Díli, 31 Jullu 2025 – Alunu Kursu Estadu Maior Konjunta Integradu (CEMCI) ba dala haat, iha loron kinta-feira, hala’o simulasaun kona-ba simera ASEAN, ne’ebé base ba iha matéria ASEAN, hanorin husi dosente Elisa Maria da Silva, atuál Diretóra Jerál ba Asunto ASEAN iha Ministériu Negósius Estranjeirus no Kooperasaun.
Simulasaun ne’e fó oportunidade importante ba alunu sira atu kompriende no aprofunda kona-ba dinamika diplomásia iha Regional liu-liu iha konteksu ASEAN. Atividade ne’e hala’o tuir orientasaun dosente nian, hodi fó kontribuisaun atu alunu sira hasae sira esperiénsia kona-ba prosesu negosiasaun, diplomásia no tomada desizaun kolektiva.
Simulasaun ASEAN iha objetivu atu, Fó hanoin kritiku no reflesivu ba alunu sira kona-ba papel ASEAN iha rejiaun. prosesu kooperasaun bilateral, regional e multilateral iha ASEAN. Loke hanoin alunu sira kona-ba desizaun politika estranjeiru iha nivel rejionál.Haktuir kapasidade komunikasaun, lideransa no kooperasaun entre alunu sira.
Durante simulasaun, alunu sira reprezenta Estadu membru ASEAN sira, prepara dokumentu posisaun, diskute iha plenáriu, no hetan desizaun kolektivu ba asunto nebe diskuti ona
Atividade ida ne’e fó valor edukativu boot ba alunu sira. Fó oportunidade atu hasae kapasidade lideransa, komunikasaun diplomátika no oinsa atu foti desizaun iha konteksu rejionál. Simulasaun ne’e mos ajuda alunu sira kompriende katak ASEAN bazeia ba konsensu no kooperasaun, atu garante estabilidade no harmonia iha rejiaun.
Matéria sira ne’ebé uza iha simulasaun fó base teoriku no realista kona-ba estrutura, prinsipiu no desafiu sira ne’ebé ASEAN enfrenta iha dezenvolvimentu rejionál.
Konkluzaun, Simulasaun ASEAN iha valor edukativu ne’ebé di’ak tebes, no bele ajuda alunu sira husi aspétu teoriku ba pratika. #MédiaIDN
|
|
