Dìli -23 Setembru 2025, alunus Kursu Estadu Maior Konjuntu Integradu ba dala 4, hamutuk nain 14 kompostu husi ofisial F-FDTL nain 10 ho Postu Majór ho Kapitaun Tenente no ofisais husi PNTL nain 4 ho Postu Superintendente Asistente no Superintente partisipa aulas Matèria Prosssu Ba Desizaun Militar ne’ebè hanorin husi dosente no mos Assessor técnico do Projeto n.º 2, Majór Infantaria “Cmd” Moio Pereira, iha auditoriu IDN palàsiu o Do Governu Dìli.
Prosesu Desizaun Militar hanesan prosesu planeamentu interativu ida-ne’ebé integra atividade Komandante, Komandu Militar, CP unidade subordinadu sira no parseiru sira seluk atu Komprende situasaun no misaun, Formula no kompara opsaun asaun, Aprova opsaun asaun ida-ne’ebé mak di’ak liu atu kumpre misaun no Prodús planu ka orden ba ezekusaun.
Nune’e alunu sira sei aprende tópiku lubuk ida husi matèria ne’e mak hanesan, Prosesu Desizaun Militar, Resepsaun Misaun, Analiza Misaun, Formulasaun Modalidade Asaun, Komparasaun Modalidade Asaun no Aprovasaun Modalidade Asaun.
Entretantu tuir informasaun ne’ebè media Instituto de defeza nasional asesu, matèria refere alunu sira sei partisipa durante semana ida, hahu husi loron 22 fulan setembru to’o loron 29 fulan setembru tinan 2025. #MèdiaIDN
|
|
