Díli, 30 Juñu 2025 – Alunu Kursu Estadu Maior Konjunta Integradu (CEMCI) ba dala 4, sei hetan matéra Metodolojia Peskiza Kualitativu no Kuantitativu durante loron lima, husi loron 30 Juñu to’o loron 4 Jullu 2025.
Iha Auditóriu IDN, Palásiu Governu, ne’ebé hanorin husi dosente Prof. Doutor Augusto da Costa SS., M.Theo., M.A., M.Pd.
Kontéudu importante husi Matéria ne’e hanesan, Konseitu Jerál Metodolojia Peskiza, Metodolojia Peskiza Kualitativu, Metodolojia Peskiza Kuantitativu, Metodolojia Peskiza ho Métodu Mistu.
Metodolojia peskiza refere ba estratéjia no fundamentu prinsipál iha projetu peskiza. envolve análize sistemátiku no teóriku kona-ba métodu sira ne’ebé aplika ba estudu. Metodolojia ne’e atu orienta oinsá peskiza hala’o, husi identifikasaun problema, formulasaun hipótese, to’o kolekta no analiza dadus.
Matenek nain Kumar hateten, metodolojia peskiza nian mak lojika kona-ba prosesu peskiza, inklui prosedimentu teóriku no prátiku. Kothari & Garg mós hateten, peskiza envolve redefinisaun problema, formulasaun hipótese, kolekta no análiza dadus, dedusaun no teste ba konkluzaun.
Definisaun seluk mós fó énfaze katak peskiza mak investigasaun sistemátiku ho objetivu atu deskobre no interpreta faktu sira, verifika koñesimentu, dezenvolve teoria no aplika ba pratika (Webster, Neurnan, Best & Kahn, Creswell, 2020–2023).
Metodolojia peskiza fó estrutura ba prosesu peskiza, aumenta validade no konfiabilidade rezultadu sira, justifika selesaun métodu, fasilita replikasaun, no estabelese ligasaun entre filosofia no abordajem metodolojiku. Tanba metodolojia peskiza ne’ebé di’ak mak xave atu hetan rezultadu sientífiku ne’ebé los.
Karaterístika Metodolojia Peskiza, tuir Sistematiku, ba prosedimentu estrukturadu husi problema to’o konkluzaun. Ho Objetivu Evita hanoin subjetivu, bazeia ba evidénsia observável. Empirisal Fundamenta ba dadus observable no medível. Replikavel Peskiza bele repete ho prosedimentu.
Tipu Metodolojia Peskiza hare husi Kualitativu, Esploratóriu, interpretativu, foka ba signifikadu no kontestu. Kuantitativu ho Objetivu, dedutivu, foka ba dadus numériku no análize estatístika. Métodu Misto Kombinasaun kualitativu no kuantitativu hodi benefisia sira-nia forsa.
Ho Importánsia Komprende no aplika metodolojia peskiza ne’ebé apropriadu importante tebes tanba ne’e garante validade, kredibilidade no konfiabilidade hosi rezultadu. Tambá ne’e, metodolojia kontribui ba dezenvolvimentu koñesimentu sientífiku no pratika. metodolojia peskiza ne’ebé formuladu ho di’ak mak permite deskubrimentu sira atu sai relevante sosiálmente no kredivel sientífikamente.
Konkluzaun Metodolojia peskiza mak fundasaun ba kualkér investigasaun sientífika. Ne’e fó orientasaun ba prinsipiu, prátika, no prosedimentu atu produz koñesimentu ne’ebé válidu no konfiável. Iha área edukasaun, sosiolojia, ekonomia, ka psikolojia, kompriende metodolojia peskiza nian ajuda estudante sira atu esplora problema sira ho abordajen sistemátiku no kontribui ba teoria no Pratika . #MídiaIDN
|
|
