Díli, 2 Outubru 2025 –Alunu Kursu Estadu Maior Konjunta Integradu ba dala 4, durante loron rua, hala’o Pratika aprezentasaun grupal ne’ebé fó oportunidade atu aplika no konsolida koñesimentu teoria ne’ebé sira hetan. Hafoin semana ida sira remata teoria kona-ba Matéria Prosesu Desizaun Militar,
Liu husi prosesu diskusaun akademai, alunu ofisial husi PNTL ho F-FDTL nain 14, fahe ba grupu, 3 , hodi hodi hala’o aprezentasaun, bazeia ba Lisaun teorika nian, ne’ebé hanorin husi Majór Infantaria “Cmd” Moio Pereira, fó preparasaun ba alunu sira atu enfrenta simulasaun situasaun operasional iha nivel tátiku.
Vantajen husi aprezentasaun grupu iha konteksu matéria Prosesu Desizaun Militar (PDM) fó oportunidade ba alunu sira atu aplika teoria iha forma praktika, no ajuda halo klaru komprensaun kona-ba etapa sira hanesan: analize situasaun, formulasaun problema, no dezenvolvimentu operasional.
Simulasaun no diskusaun grupal fó espasu ba alunu sira atu buka solusaun alternativu, aumenta kapasidade analítiku no tomada desizaun. Alunu sira mós hetan esperiénsia lideransa, hodi dezenvolve abilidade koordinasaun no distribui responsabilidade iha fatin grupu.
Aprezentasaun grupa ne’e, ajuda alunu sira haktuir komunikasaun klaru, estruturadu no presizu – abilidade importante tebes iha ambiente militar. Nune’e alunu sira mós aprende kolabora, respeita ideia kolega sira, no simu kritika konstrutivu. Ida ne’e kontribui ba fortalesimento traballhu iha ekipa, ne’ebé importante iha operasaun konjunta.
Simulasaun pratika ne’e ajuda prepara alunu sira atu enfrenta desafiu iha fatin servisu, tanba maéria PDM mak fundasaun tomada desizaun iha nivel operasaunál no tátiku. Aprezentasaun iha forma grupu mós aumenta motivasaun no envolvimentu ativu, hodi fó sentimento responsabilizadu ba rezultadu grupu.
Konkluzaun Atividade pratika ida ne’e, la’ós deit fó oportunidade ba alunu sira atu kompriende teoriak, maibé mós aplika, analiza, no deskobre koñesimentu foun liuhosi interasaun grupal. Ida ne’e prepara sira atu sai líder sira nian ne’ebé prontu atu responde ba dezafiu operasional iha nivel estratéjiku no tátiku. #MédiaIDN
|
|
