Díli, 12 Agostu 2025 – Alunu sira husi Kursu Estadu Maior Konjunta Integradu (CEMCI) dala 4 , hetan matéria kona-ba Autoridade Proteksaun Sivil (APS) iha loron tersa-feira, iha auditóriu Institutu Defeza Nasionál, Palásiu Governu, Díli.
Matéria ne’e hanesan parte formasaun akademika, ne’ebé aprezente husi Koronel Infantaria GNR Marco Paulo Cura Marque, atual asesór Sekretariu Estadu ba Proteksaun Sivil. Hodi fó klarifikasaun kona-ba konseitu no lejislasaun relevante, hanesan: Lei Seguransa Nasionál, Lei Defeza Nasionál, Lei Seguransa Interna, Lei Proteksaun Sivil, Estrutura no Regulamentu Organika APS.
Kontéudu fó tan enfázi ba, Estrutura no organizasaun APS iha Timor-Leste. Siklu emergénsia (prevensaun, preparasaun, resposta no rekuperasaun). Jestaun dezastre, risku no dezafiu sira iha Timor-Leste. Planu no estratéjia APS ba semana ida. Koordenasaun interinstitusionál ho Ministériu sira, F-FDTL, PNTL, MSS, INEM, Cruz Vermelha, ONU, no entidade sira seluk.
Objetivu jerál husi matérua ne’e mak atu aumenta kapasidade lideransa no koordenasaun alunu sira ba situasaun emergénsia, inklui operasaun interagénsia. Apresentasaun fó baze legal husi Lei n.º 10/2009 kona-ba Sistema Nasional Proteksaun Sivil, no relasaun ho politika nasionál, plano dezenvolvimentu, no leis internasionál.
Iha konkluzaun, fó énfaze katak APS iha papel importante iha sistema seguransa nasional, espesiálmente iha preparasaun, resposta, no rekuperasaun husi dezastre naturais, ambientais no teknológiku. Komprensaun kona-ba APS mak importante ba lideransa militar no polisia, atu bele kontribui efetivamente iha planeamentu no jestaun krizis. #MédiaIDN
|
|
