Díli- Funsionario ho kargu xefia husi Ministério Defeza ho Institutu Defeza Nasional no Autoridade marítima iha loron 12 fulan Janeiru tinan 2025, hala’o avaliasaun jerál ba aktividade no programa sira ne’ebe implementa iha tinan 2024, no programa foun iha tinan 2025.
Tema reflesaun maka konsolida Senerjia hodi realiza susesu, prepara husi Sua Excelênsia Ministru Defeza Prof. Dr. Contra Almirante Donaciano Costa Gomes “ Pedro Klamar Fuik” hodi introduz katak, profesionais atu realiza susesu, so mai husi konjunga sinerjia iha rasionalizasaun diak para bele implementa, hodi hadiak objetivu organizasaun.
Fundamentu husi reflesaun ida ne’e, oportunidade, atu líder sira tenke jusfitika progresu ba programa sira, hodi hare postu sira implementa ho susesu iha tinan 2024 nia laran, no kontrasiamentu sira hasoru, no planu implementa programa sira ba tinan 2025. Hodi hasae lisaun apredizajen para depois bele komesa fila fali.
Tanba líder estratégia sira sempre fan sira nia esperansa liu husi pontu avaliasaun sira nune, hodi hare ba tinan kotuk, ita halo saída, saída maka falta, nune’e hodi kontinua mai tinan ida foun, lisaun apredizajen saida maka ita atu kontinua halo diak liu tan.
Nune’e liu husi pontu reflesaun ida ne’e, bele lori nosaun foun ruma ba ita bo’ot sira, nune’e iha tinan 2025 bele halo mudança ruma ita organizasaun ita bo’ot sira lidera, para bele kontribui progresu instituisaun ita bo’ot sira lidera, ba dezenvolvimentu Estadu Nasaun.
Tempu hanesan Diretór Interinu IDN Dr Guilherme Soares iha aktividade avaliasaunn, aprezenta aktividade sira realiza ona iha tinan 2024, hanesan Kursu promosaun oficial superior (CPOS) ba dala 6, no Kursu Pos-graduasaun estudu do mar ba edisaun dahuluk.
kursu Mestrado edisaun dahuluk ne’ebé oras ne’e participantes sira sei prepara hela hakerek sira nia peskiza.
Kursu importante sira sei realiza iha tinan 2025 hanesan, Edisaun dahuluk Akademia Konjunta (AK), Edisaun dahuluk Kursu Lideransa no Administrasaun Publika
Finaliza Edisaun Kursu estado maior konjunto no Integrado (3CEMCI)
Finaliza edisaun dahuluk husi Kursu Kapitaun do Porto;
Formasaun akadémika Atende Mestradu iha premeiru edisaun Estudu Maritimu:
Kontinua edisaun daruak Kursu Mestradu Seguransa no Dezenvolvimentu Nasional Sustentavel (MSDNS);
Finaliza edisaun dahuluk Kursu Mestradu iha Seguransa no Dezenvolvimentu Nasional Sustentavel (MSDNS). Kursu Defeza no Seguransa ba Chefe dos Sucos. Kursu Defeza no Seguransa ba Estudante Universidade Joven sira.
Aktividade reflesaun hametin esperitu kamaradajen husi Institusaun tolu, no foto conjunto. #MediaIDN
|
|
