Díli- 21 Maiu 2025, Alunus Kursu Estadu Maior konjunto Integradu, hetan ezama avaliasaun ba matéria Jestaun Administrativu rekursu, ne’ebé hanorin husi dosente Tenente Koronel Bruno Mendes iha auditoriu IDN palásiu Governu Díli.
Objektivu jerál husi Avaliasaun ba matéria “Jestaun Administrativu Rekursu, atu avalia kompeténsia alunus sira iha dominasaun prinsipiu no pratika jestaun adminstrativu iha Instituisaun Defeza Nasionál.
Matéria ne’e importante tebes atu bele fasilita lideransa, planifikasaun no dezenvolvimentu kapasidade manajementu rekursu umanu, materiál, tempu no finansamentu.
Ho Relevánsia Matéria fó baze forte ba komandu no lideransa iha nivel Estadu Maior, atu Komprende estrutura organizativu no prosedimentu administrativu. Aprende jestaun efektivu ba rekursu limitadu. Aumenta efisiénsia no efektividade iha operasaun militár. Reforsa tomada desizaun ba líder sira ne’ebé iha responsabilidade boot.
Liu husi Kompeténsia Ne’ebé Avalia, foka ba asesu ba kapasidade alunus iha área, Komprende prinsipiu jestaun adminstrativu. Aplika metodolojia jestaun iha kontestu militár no seguransa. Analiza no solusiona problema iha jestaun rekursu Hatudu lideransa efektivu no tomada desizaun iha situasaun realista.
Importánsia husi Avaliasaun ida ne’e, sei prepara líder sira atu sai efektivu iha jestaun administrativu, ho kapasidade atu responde ba desafius operasionál no institusionál.#MédiaIDN
|
|
