Díli-Kruz Vermelha Internasionál iha Timor Leste (KVI /ICRC), partilha sira nia Visaun, Misaun no Programa sira ba partisipantes husi 3° Cursu Estadu Maior Konjunta Integradu (CEMCI) ho Funsionário sira husi Institutu Defeza Nasionál (IDN).
Aktividades ne’e realiza iha loron 3 fulan Juñu Tinan 2024, tanba Instituto Defeza Nasionál (IDN) servisu hamutuk ho komite Internasionál Cruz Vermelha KICV/ICRC, liu husi asesór legal Masayoshi Mita, ho intesaun atu partilla sira nia Visaun, Misaun no mandatu servisu ho esperiensia, ba Nasaun pos konflitu sira, ne’ebé sira ba hala’o ona sira nia misaun humanitaria no partilha esperensia sira ba participantes 3° CEMCI iha auditóriu IDN Palácio do Governu Díli.
Tanba Kruz Vermelha Internasionál iha Timor Leste (ICRC) nia mandatu servisu, atu proteje vitima sira nia moris no Dignidade husi konflitu armadu no situsaun violênsia sira husi seluk no atu fó asisténsia bá vitima sira.
Alende mós, atu prevêne ema nia terus liu husi promove lei umanitária internasionál no prinsipiu umanitaria universal sira fundamentál hitu (7), hanesan, Umanidade, Imparsialidade, Neutralidade, Independénsia, Servisu Voluntáriu , Unidade, Universidade.
Diretór Interinu IDN, Guilherme Soares hateten, desiminasaun ne’e liga ho matéria lei internasionál humanitaria ho Objetivu atu Partisipantes 3°CEMCI sira, bele iha kuñesimentu no iha futuru sira halo misaun internacionais ruma iha Nasaun konflitus no pos Konflitus, sira komprende ona lei Internasionál hodi tau pratika iha sira nia servisu, hodi labele kontra asaun direitos umanus.
Tanba participantes 3° CEMCI, mai husi oficial husi institusaun Polísia Nasionál Timor Leste (PNTL) ho FALINTIL Forsa Defeza Timor (F-FDTL), mundu ohin loron incerteza, volatil, complexa no dinamika ba situasaun polítika global, ita la hatene to’o tempu mosu krize, Partisipantes sira , sempre prepara an iha kualker situasaun hodi infrenta atua iha situasaun krize ruma, sira bele aplica ferramentas ou instrumentu legais sira ne’e hodi atua. #MediaIDN
