Dili- Iha loron 2 fulan Dezembro tinan 2024, Diretor Interino Instituto Defesa Nacional Dr. Guilherme soares, halao abertura ba Primeiru Kursu Kapituo Porto ne’ebe parceria entre IDN ho Autoridade Marítima Nacional iha auditoriu IDN palacio do Governo Dili.
Kursu ne’e realiza hanesan formasaun espeífiku ba kapitão sira iha Portu Timor-Leste no nia adjuntu sira, maibe natureza husi materia sira ne’ebe hala’o funsaun iha autoridade estadu nian iha tasi.
Objetivu husi kursu ne’e mak atu kontribui hodi garante interesse sira husi Timor-Leste iha tasi; kontribui ba ezersisiu autoridade husi timor-leste iha tasi ne’ebe eficiente no efetivu no atu kontribui ba kapasita autoridade marítima hodi fasilita nia misaun.
Enkuantru objetivu espesifiku husi kursu refere mak,
1. kontribui hodi fornese kapitão portu foun sira iha timor-leste ho kunesimentu, regra no pratika sira ne’ebe bele permite sira hodi halo nia funsaun;
2. kontribui hodi prepara ema seluk ne’ebe konsidera tenke atua no partisipante iha kursu ida ne’e, hanesan adjuntu kapitão portu sira no líder, diretor sira iha estrutura AMN ka komponente Naval nian ou sira ne’ebe iha Autoridade ligada ho Tasi.
Entretanto formandus sira ne’ebe partisipa iha kursu ne’e mai husi instituisaun sira ne’ebe la hanesan
Kursu ne’e sei hala’o iha formatu presensiál ho modelu aula teoria-prátika, sei ensina iha lian portugés. Uza tetun no ingles sei permitida apenas iha situasaun sira ne’ebe mestres (dosente sira) konsidera importante atu fó hanoin ida ne’ebe barak atu hatene diak liu. Nune’e mos dosente sira sei apresenta no uza kazu prátika sira hodi ajuda partisipante sira komprende materia ne’ebe ensina.
Iha diskursu husi Diretor IDN Dr. Guilherme Soares hateten, Ho orgullu no entuziazmu boot ami hahú edisaun dahuluk husi kursu kapitaun portu.
Tambá Tasi ne’e signifikante tebes iha dezenvolvimentu kapasidade tasi no portu Timor-Leste nian. Kursu ida-ne’e reflete ita-nia nasaun nia kompromisu atu hametin ezersísiu autoridade estadu tasi nian.
Hamutuk ho padraun internasionál no nesesidade espesífiku sira husi ita-nia realidade. Timor-Leste, nu’udar estadu marítimu ida-ne’ebé iha fatin estratéjiku ida, nu’udar rejiaun ida-ne’ebé iha relasaun globál ne’ebé boot liu, ida-ne’ebé iha natureza ida-ne’e, obriga ita atu konsolida ita-nia prezensa iha espasu marítimu sira.
Garante seguransa no protesaun ambientál no efisiénsia iha jestaun ba ita-nia portu sira, ratifikasaun ba Konvensaun Nasoins Unidas nian kona-ba Direitu Tasi nian, Ita nafatin iha kompromisu halo tuir ita-nia padraun internasionál, Implementa konvensaun boot sira husi organizasaun marítima internasionál.
Ohin ita halo ona pasu ida ba ita-nia viajen tranzitóriu, hahú formasaun ba na’i-ulun sira iha futuru, profisionál sira seluk no entidade sira ne’ebé iha relasaun. Profisional sira-ne’e hala’o papél importante hodi proteje interese nasionál no hametin defeza estadu nian iha tasi.
Kursu Ida ne’e buka atu oferese koñesimentu teóriku no pratiku ba partisipante sira kona-ba tópiku sira hanesan lei tasi, protesaun ambientál, teknolojia informasaun, seguransa siber, seguransa marítima, administrasaun portu, estrutura no regra kurikulu ne’ebé halo ho kuidadu, konteúdu teóriku, ho esperiénsia pratika inklui vizita téknika ba instituisaun sira.
Formasaun ne’e sei hala’o husi pesoál hanorin ne’ebé kualifikadu liu, ne’ebé kompostu husi espesialista nasionál no internasionál sira, ne’ebé ninia esperiénsia no dedikasaun ba kursu ne’e.
IDN espera katak iha treinamentu ne’e nia rohan ita bele hasoru dezafiu sira ne’ebé envolve jestaun seguransa iha ita-nia espasu tasi nian, hodi nune’e bele kontribui ba afirmasaun soberania Timor-Leste nian iha tasi.
Aliende ne’e diretor interinu mos hatoo agradese ba autoridade marítima no ema hotu ne’ebé envolve iha organizasaun kursu ida-ne’e, ne’ebé sei sai nu’udar pilár importante ida hodi harii futuru tasi nian iha ita-nia rai.
Entertantu Kapitaun Mar e Guera Adão Brito “Jeky” hatutan, Kursu ne’ebe mak ohin realiza iha IDN ne’e primeiru passu importante ida ba ita timor atu loke ita nia pensamentu ba ita ninia tasi rasik, hanesan nasaun soberano ida ita hatene ita nia area marítima ne’e boot liu ita nia rai maran, kuaze 17. 500 i tal kompara kuaze 14 mil e tal Ita mos rekunese katak ita nia rikeza lubuk ida iha ita nia tasi laran ne’ebe to agora ita seidauk explora ho diak, ita haree deit iha minarai, ita tau tilun deit ba ikan mas to’o agora ita nia ikan ita rasik la ka’er, tambá ne’e presiza esforsu.
Ho nune’e kursu ba kapitaun porto ho durasaun fulan 5 ou remata iha fulan marsu tinan 2025. Iha abertura kursu foun ikus ho taka foto hamutuk. #MediaIDN.
|
|
