Dili 27 Novembru 2025 – Hafoin remata reuniaun plenária, Institutu Defeza Nasionál (IDN) akompaña delegasaun membru husi nasaun-nasaun CPLP sira halo vizita ofisiál ba Muzeu Rezisténsia, Merkadu Tais Kolmera no area turístika Kristu Rei.
Vizita ida ne’e iha objetivu atu fó oportunidade ba partisipantes CPLP hodi kompriende liu tan istória luta, sakrifísiu no prosesu libertasaun povu Timor-Leste. Liafuan historiku ne’e importante tebes atu hadia konñesementu delegasaun kona-ba rezisténsia nacional no reforsa solidariedade lusófonu, bazeia ba narasaun istóriku Timor-Leste.
Iha Merkadu Tais, delegasaun haree produtu tradisionál, arte no kultura lokal. Bele promove identidade kultura Timor-Leste, aumesmu tempu fó valorizasaun ba ekonomia kreativa. Interasaun ho vendadór no artesa lokál mak fó kontribuisaun ba promosaun tais, suportasaun ba arteza no dezenvolvimentu mikro-empresárius.
Ba parte turizmu, vizita ba Kristu Rei fó oportunidade atu hatudu lokátur istóriku, relijiozu no paisajen natural ne’ebé reprezenta potensial turístiku Timor-Leste. Atividade ida ne’e reforsa imajen TL hanesan destinasaun turístika seguru, atrakivu no estabil.
Interasaun kultural no edukativu liu husi vizita ba muzeu, merkadu tais no Kristu Rei, atu aumenta troka esperiénsia, konñesementu no ligasaun fraternal entre membru CPLP. Ne’e mós kontribui atu hadia relasaun kooperasaun CPLP iha área kultural, sosial no edukativu.
Benefisiu seluk mak partisipantes CPLP bele haree diretu progresu, seguransa no potensial turizmu iha Timor-Leste, aumentando konfiansa no parseiro estratéjiko. Vizita ne’e mós fó diplomasia públiku no imajen pozitiva Timor-Leste iha nivel internasionál.
Liu hosi vizita ne’e, partisipantes sente koneksaun kulturel ne’ebé fó reforsu ba unidade CPLP, aumesmu tempo fortalese troka kultural no relasionamentu entre nasaun lusófonu. Tuir partisipasaun sira iha Fórum do Mar, vizita lokál turístiku mós fasilita hasae komprensaun kona-ba realidades marítimas no esplora oportunidade kooperasaun iha futuru.
Hatudu istória rezisténsia, kultura no patrimóniu relijiozu, vizita ne’e sai oportunidade boot atu promove identidade nasional ba komunidade CPLP no fó sentidu orgúiliu nasional ba povu Timor-Leste.#MédiaIDN
