Díli, 6 Dezembru 2025 – Diretór Interínu Institutu Defeza Nasionál (IDN), Dr. Nuno Corvelo Sarmento, akompan̈a eis Almirante António Silva Ribeiro ba Aeroportu Internacional Presidente Nicolau Lobato, Díli, durante nia viajen fila ba Portugál.
Eis Almirante Silva Ribeiro remata vizita ofisiál iha Timor-Leste, hafoin partisipa iha “Fórum do Mar CPLP” ba dala 5, ne’ebé hala’o iha Díli, no kontribui iha troka hanoin konaba seguransa marítima no dezenvolvimentu kooperasaun CPLP iha área maritima.
Durante estadia iha Timor-Leste, Almirante Silva Ribeiro mos partisipa iha serimónia komemorasaun Loron Proklamasaun Unilateral Independénsia ba dala 50, ne’ebé hala’o iha loron 28 Novembru, hodi hatudu apoiu no solidariedade ba povu Timor-Leste.
IDN kontinua valoriza kooperasaun ho Portugál, liu-liu iha área edukasaun, formasaun no peskiza iha domíniu seguransa nasionál. #MèdiaIDN
