Díli- Iha loron 4, fulan outubro, tinan 2024, Instituto Defesa Nacional (IDN), hala’o despedida ho asesór Nasional nain rua, hanesan Doutor Amandio de Araújo Sarmento no Doutor Ivo Mateus Gonçalves da Cruz Fernandes iha auditório IDN Palásiu Governu Díli.
Asesór Doutor Amandio de Araújo Sarmento, Institutu Defeza Nasional kontratu hodi apoia hakerek artigu sientifiku kona ba Ekonomai Verde, ne’ebé atual ne’e entrega ona ba IDN. No mós hanesan dosente hodi hanorin partisipantes Kursu Estadu-Maior Konjunta Integradu ba dala 3 ho matéria Metodolojia Investigasaun sientífika inklui fó formasaun ba Funsionáriu ho Kargu xefia sira iha IDN, ho matéria ne’ebe hanesan.
Nune’e mós asesór Doutor Ivo Mateus Gonçalves da Cruz Fernandes, Instituto Defeza Nasional kontratu mós hodi hakerek artigu sientífiku kona ba Economia Azul ne’ebé finaliza ona no oras ne’e entrega mós ona ba IDN. No mós hanorin matéria metodolojia Peskiza ba partisipantes Kursu Estadu-Maior Konjunta Integradu ba dala 3. Inklui matéria hanesan hanorin mós ba funsionáriu ho kargu Xefia IDN.
Diretór Interinu IDN Dr Guilherme Soares, hato’o agredese wain ba servisu husi asesór nain rua durante fulan 5, hahu fulan Maiu to’o fulan Agusto tinan 2024, hodi finaliza sira nain rua nia servisu hakerek artigu sientífiku kona ba Ekonomia Azul ho Ekonomia verde..
Iha âmbito despedida ne’e remata ho Instituto Defesa Nasional tara tais ba asesór nain rua, ho entrega sertifikadu apresiasaun hanesan parte rekoñesimentu durante servisu hamutuk. #MediaIDN
