Dili- iha loron 5 fulan dezembru tinan 2024, Instituto Defesa Nacional kontinua halao ezame proposta ba discente 30 Curso de Estado Maior Conjunto Integrado (CEMCI) nain 4 kompostu husi Major Elizeu Guterres, Major Francisco Xavier dos Reis Neto, Major Horacio dos Santos no Major Petrus Ceunfin iha auditoriu do IDN Palacio do Governo Dili.
Tema ne’ebe discente nain 4 foti mak hanesan Major Elizeu Guterres apresenta ho nia Tema “Influénsia husi Komunidade Pais sira Lian Portuges (CPLP) ba Timor-Leste nia polítika esterna no seguransa: dezafiu no oportunidade ba integrasaun rejionál no kooperasaun internasionál.”
Nune’e Objetivu husi tema ne’e mak, Atu avalia influénsia CPLP nian iha formulasaun polítika estranjeiru no seguransa Timor-Leste nian, hodi analiza oinsá adezaun no prinsípiu sira organizasaun nian afeta desizaun sira Timor-Leste nian iha área relasaun internasionál, seguransa rejionál no kooperasaun internasionál.
Entretantu Major Francisco Xavier dos Reis Neto apresenta ho nia Tema “Atu analiza papél Forsa Armada Timor-Leste nian iha situasaun dezastre ka dezastre públiku.”
Objetivu geral husi tema refere mak Oinsá sira kontribui ba prezervasaun rekursu naturál sira no medida preventiva saida mak bele adopta hodi evita dezastre sira.
Aliened ne’e, Major Horacio dos Santos apresenta Tema kona ba “Papél estratéjia falintil-FDTL nian iha seguransa rejionál ASEAN nian.”
Objetivu geral husi Tema ne’e mak, Analiza papél estratéjiku husi falintil-FDTL iha reforsu seguransa rejionál ASEAN nian, ne’ebé foka liu ba ninia dezafiu, kontribuisaun no oportunidade sira, hodi hatudu ninia importánsia ba estabilidade rejionál.
Enkuantu Major Petrus Ceunfin apresenta Tema kona-ba “Transformasaun institusionál no protesaun kapasidade: potensialidade husi instituisaun defeza universidade nasionál ba dezenvolvimentu Timor-Leste nian.”
Objetivu geral husi tema refere mak, IDN nia papél estratéjiku iha Transformasaun Institusionál no Reforsu Kapasidade Timor-Leste nian, esensiál ba progresu no estabilidade nasaun nian.
Ho nune’e ekipa de juri ba discente nain haat ne’e kompostu husi Presidente de Juri Dr. Nuno Corvelo Sarmento, Arguente 1 Dr. Frederico, Arguente 2 Dra. Gina no Arguente 3 Comandante Jony Viana
Nune’e mos atual ne’e diresaun ensino formasaun iha IDN finalize ona ezame proposta ba participantes 3 CEMCI hamutuk nain 15. #MEDIAIDN
|
|
