Díli- Institutu Defeza Nasionál (IDN) hetan vizita Servisu, husi Komandante Institutu Universitáriu Militar (IUM) Portugal Tenente Jenerál Hermínio Teodoro Maio, ne’ebé akompaña mós husi Diretór Projetu 1, Kapitaun Mar e Guerra João Passos Ramos, Adido Defesa Portugal iha Timor Leste Kapitaun Mar e Guerra António Manuel Maurício Camelo no Delegasaun husi IUM.
Tenente Jenerál Hermínio Teodoro Maio, mai Timor Leste reprejenta Xefi Estadu Major Ezersitu Portugal, iha âmbito Komemorasaun tinan 25 komemorasaun loron INTERFET, hodi mai partisipa, konferénsia ida iha Palasiu Presidensia Aitarak Laran.
Nune’e aproveita oportunidade mai vizita mós iha IDN, hodi partilha mós aktividades sira ne’ebé instituto Universitariu Militar halo iha Portugal, tanba ita hanesan instituisaun Konzeneru. sira partilha liu sobre programa ne’ebé sira iha ba IDN, inklui programa sira, futuru, sira hakarak IDN partisipa iha sira nia kursu Doutoramentu iha Sinsia Militar. Pos gradusaun estudu estratéjiku nian, Kursu Estadu Maior, kursu promosaun oficial superior.
Tanba iha Programa Kursu barak, IDN hetan inspirasaun husi Institutu Universitariu Militar (IUM), inklui ho dosente matéria espesifiku sira barak, mai husi sira ne’ebá, durante ne’e hanorin participantes Kursu Promosaun oficial Superior (CPOS) ho Kursu Estadu Maior Konjunta Integradu (CEMCI) IDN realiza.
Nune’e parte Institutu Universitariu Militar nia hakarak, IDN kontinua hametin koperasun hodi hametin lasu amizade entre Instituisaun rua ne’e IDN ho IUM. ba sira, importante tanba sira bele halo internasionalizasaun ba sira nia instituto rasik, ba IDN importante tebes, hodi dezenvolve rekursu umanus ba dosente sira.
Liu husi hasoru malu ohin, sira partilha ho IDN sobre sira nia transformadaun no desafiu mak sira hasoru bele sai referensia ba IDN no bele aprende husi sira nia esprensia, hodi prepara mós ba tranformasaun IDN ba InstitutuUniversitariu Defeza Nasionál ne’ebé dadaun ne’e lao hela.
Hasoru malu ne’e remata ho Diretór Interinu IDN Dr. Guilherme Soares ho ekipa akompaña Komandante Institutu Universitáriu Militar (IUM) Portugal Tenente Jenerál Hermínio Teodoro Maio, vizita aulas Partisipantes 3° CEMCI, no entrega prendas ba malu ho taka foto hamutuk.
Partisipa iha hasoru malu ne’e, Diretór Interinu IDN Dr. Guilherme Soares, Diretor Ensinu Formasaun Kapitaun Tenente Duarte Borges Loe, Diretor Diresaun Investigasaun Dezenvolvimentu Inovasaun (DIDI) Dr. Nuno Manuel Corvelo Sarmento, kordenador Ensinu Formasaun Superintendente Joni Viana, Diretóra Diresaun Komunikasaun Audio Produsaun (DCAP) Dra. Silivia Jesuina no Coordenadora ba comissao instaladora transformasaun IDN ba IUDN, Dra. Ermenegina Alves. #MediaIDN
|
|
