IDN Hetan Vizita husi Universidade Veteranus Yogjakarta Indonézia

Universidade Veteranus ” Yogyakarta (UPNVY) hanesan ensinu superiór estadu nian, ne’ebé rekoñesidu, situa iha rejiaun espesiál yogyakarta. mai ho kompromisu atu hasa’e sira nia vizibilidade global, liuhosi parseria estratéjiku, kolaborasaun internasionál, klasifikasaun globál, no programa mobilidade.

Iha hasoru malu durante oras rua nia naran, Institutu Defeza Nasional sente ondradu tebes ho Vizita husi Reitor Universidade Veteranus Yogjakarta Indonézia Profesor Doutor Mohamad Irhas Effendi, akompaña husi Vice Reitor professor Doutor Hendro Widjanarko, husi Universidade ne’ebé koiñesidu mós iha Nasaun Indonézia , ne’ebé hatudu nia polítika diak no peritu tebes iha área estratégia hodi hanorin ba estudante sira husi rai laran ho rai liur.

Diretór Interinu IDN Dr. Guilherme Soares espera liu husi diskusaun parte rua IDN ho Universidade Veteranus Yogjakarta Indonézia possivelmente bele iha nota intimentu ne’ebé kopeartivu no futuru bele hala’o mós koperasaun iha área formasaun ba liderança no formasaun ba Funsionariu IDN sira kona ba Defeza Nasional.

Tanba ne’e, IDN fiar katak ho troka ideas entre IDN ho Universidade Veteranus Indonézia iha oportunidade ida ne’e, sei lori vantajen ne’ebé bo’ot ba formador no participantes formasaun sira. IDN iha esperansa bo’ot ho vizita ida ne’e, hanesan inisiu ne’ebé diak tebes no sei kontinua nafatin lori benefisia ba instituisaun rua, ba progresu dezenvolvimentu.

Ba IDN intersante tebes ho programa Defeza Nasaun ne’ebé Universidade Veteranus Yogjakarta Indonézia iha esperensia ba. Nune’e planu ba oin, IDN sei halo akordu kooperasun ho sira, hodi haruka uluk kargu xefia husi IDN ba tuir formasaun ho estajiu profesional konsentra ba área defeza Nasional, hodi sira fila mai, ita bele adopta ho ita nia realidade, prinsipiu istória bazeia ba lei inan ho lei oan sira.

Tempo hanesan mós, Reitor Universidade Veteranus Yogjakarta Indonézia Profesor Doutor Mohamad Irhas Effendi hato’o agredese wain ba tempu tomak husi IDN ne’ebé simu sira nia vizita. No sira sente kontente tebes bele vizita mai IDN, ho esperensa bo’ot, sei lori vantajen no benefisia ba parte rua.

Presiza informa mós katak, Universidade Veteranus Yogjakarta Indonézia, hanesan universidade ne’ebé iha sentidu no área hanesan IDN. Tanba hari husi Veteranus sira ne’ebé luta ba Ukun rasik an.

Universidade ne’e, hari iha tinan 1958, agora tama ona ba nia tinan 66 ezistensia iha Nasaun Indonézia, ne’ebé antes tutela ba Ministériu Veteranus, tanba universidade momento ne’eba hari ho intensaun ba Veteranus no nia jerasaun sira hodi kontinua luta ba desenvolvimento Nasional.

Hafoin ne’e universidade ne’e, kontinu tutela fali ba Ministériu Defeza Indonézia, hanesan universidade ensinu superior no rekursu umanus, administrasaun Finansas sira sei responsabiliza no eduka husi Ministeriu Defeza ho natureza Militar, no ba Edukasaun sei forma no eduka husi Ministériu Edukasaun Ensinu Superior Indonézia .

Nune’e programa husi Ministériu Defeza ba Universidade Veteranus Yogjakarta Indonézia atu tane nafatin valor sira ba Defeza Nasaun, hodi aplika ba estudante husi Rai laran no rai liur ho pontu prinsipal sira hanesan hadomi ba Nasaun, hanesan sidadaun tenke hakruk ba regras legal Estadu nian, fiar ba simbol sira hanesan ideolojia Nasaun, prontu sakrifika ba Nasaun. Ida ne’e maka sai matadalan ba prosesu aprendisazen ba Universidade Veteranus Yogjakarta Indonézia (UPNVY).

Iha área formasaun defeza Nasaun Univerisdade Veretanus Yogjakarta Indonézia prontu hala’o kooperasaun ho IDN , espera programa menciona sente lori benefisia ba parte rua, hanesan Nasaun ne’ebé hetan fronteira vizinu husi rai maran, liu husi formasaun mensiona ita bele hametin defende di’ak liu iha área baliza Nasaun rua, inklui ba área rejionál no internasional.

Hasoru malu IDN ho Universidade Veteranus Yogyakarta remata ho troca prendas ba malu ho foto hamutuk. #MediaIDN