Díli- Institutu Defeza Nasionál (IDN) realiza, Konferénsia ho tema Formasaun no kapasitasaun Rekursu Umanu iha Empresa ida, iha loron 9 Jullu, Tinan 2024, iha Salaun Ministériu Defeza Fatuhada Díli.
Iha âmbitu siklu konferénsia ne’e, Instituto Defesa Nacional, konvida mós orador na’in tolu, hanesan Coronel Reformadu Antonio Jose Sampaio e Silva, Nia remata ona servisu militár durante tinan 36 no reforma iha 31 Dezembru 2017.
Nia kompleta ona kursu Infantaria husi Akademia Militar, Rejente Tatika no Operasaun Infantria I no II. Nia hanesan profesór iha Eskola Forsa Seguransa Macau, no agora dadaun hanesan profesór iha Institutu Defeza Nasional Timor-Leste.
Atual Komandante Pessoal e formasaun iha Komandu PNTL, superintendente Xefi Arquimino Ramos ne’ebé remata nia Doutoramentu iha área Jestaun Estratejika husi Universidade Katolika: Widya.
Diretora Operacional, Representante Empresa Timor-Plaza Sra. Pamela Jape, Nia remata lisensiatura iha área Komersiu husi Universidade Queensland Australia. Agora dadaun, nia nu’udar Diretora Jerál iha Kompania Jape Australia Group.
Evento ne’e hahú ho diskursu bem-vindu hosi Diretor Interinu IDN, Dr. Guilherme Soares, ne’ebe hatutan importánsia formasaun no kapasitasaun kontinuá ba dezenvolvimentu sustentavel empreza sira no institusaun governamentál sira iha Timor-Leste. Nia sublinha nesesidade atu kria programa treinamentu sira ne’ebe la’ós deit foca ba habiliade técnica, maibé mos dezenvolve kompeténsia estratéjika entre profisionál sira.
Impactu no Importánsia
Konferénsia ida ne’e sai hanesan plataforma ba troka konhesimentu no pratika melhor entre profisionál sira husi área diferente sira. Abordajem multidisiplinár no presensa hosi ekipa espesiál sira sei fo oportunidade ba partisipante sira atu hetan hanoin luan kona-ba estratéjia ne’ebe efikaz ba kapasitasaun rekursu humanus.
Iha apresentasaun hudi Diretór ensinu Formasaun IDN, Capitão Tenente Duarte Borges Loe ba Jornalista sira hateten, konferénsia ne’e, parte ida husi programa 3° Cursu Estado Maior Conjunto Integrado, prepara oficiais husi PNTL ho F-FDTL , oinsa mak bele hetan formasaun liderança, jestaun iha organizasaun ida, kuandu organizasun ida nia funsiona ho diak, presiza ema ne’ebe iha koñesimentu kona-ba oinsa nia organiza, ema sira ne’ebe servisu pertense iha organizasaun nia laran .
Tanba ne’e, mak 3° Cursu Estado Maior Conjunto Integrado, Cursu ida ne’ebe mak iha nia programa hamutuk iha 38 semanas, 1.138 horas. Entaun iha 3° CEMCI ne’e, nia módulu haat (4), hanesan modulo formasaun baze, formasaun administrasaun, formasaun sobre Militar ho polisial inklui formasaun estratégia.
Nune’e, konferénsia ida ne’ebe ohin IDN realiza , liga ho módulo formasaun administrasaun, tambá formasaun administrasaun ne’e, iha formasaun ida unidade kurrikular tolu (3) mak Jestaun e Rekursu Umanus, iha oras 62 , ne’ebe iha dosente lubuk ida mai ho background edukasaun no iha organizasaun ne’ebe la hanesan.
Formadores sira ne’e , barak mós mai husi Militar , sira ne’ebe mak reforma ona, no balun husi militar sira ne’ebe mak sei ativu hela, maibe sira ho kualifikasaun hanesan dosente, entaun sira fó formasaun durante ne’e parte teorika. Entaun ohin konferénsia ida ne’e, ita konvida sira ne’ebe iha esperiensia pratika ona iha organizasaun no instituisaun sira partilha sira nia esprensia no matenek pratika ba participantes sira tomak.
Tanba realidade kuandu hari empresa ida, laos deit iha osan, ho estuda ne’ebé bo’ot, maibe presiza iha matenek iha jestaun, oinsa maka jere rekursu umanus ho diak. Nune’e ita konvida orador nain tolu ne’e, hodi sai orador iha Konferénsia IDN realiza , atu dezenvolve participantes sira nia abilidade Lideransa no jestaun, oinsa maka bele foti desizaun ba iha kestaun sira ne’ebé kompleksu ruma iha situasaun ne’ebe sira iha alta presaun.
Nune’e mós bele iha durante operasaun , ou bele iha tempu sira hakmatek , hodi jere organizasaun kikoan ida, oinsa sira bele jere ema ho koiñesimentu ida ne’ebe diak, entaun sira hotu bele kontribui sinifikativu ba sira nia vida hanesan oficial Polísia no Militar ou vida aban bairua sira ba reforma.
Alende ne’e mós, forma ida oinsa, IDN bele fó koiñesimentu ba sira iha área seguransa no kontribuisaun ba iha estabilidade Nasaun nian.
Partisipa iha Konferénsia mai husi Reprezentante husi Ministériu Defeza, Representante husi mós Institusaun PNTL ho F-FDTL, inklui Institusaun Estadu sira seluk mós, eis alunos no atual Partisipantes 3° CEMCI, Estudante Universitariu sira.
Konferénsia ne’e remata ho IDN entrega prendas ba orador nain tolu ho moderador, ho Foto hamutuk. #MediaIDN
|
|
