Díli- Familia bo’ot Institutu Defeza Nasional (IDN) iha loron 18 fulan Outobru tinan 2024, presta omenajen ikus ba mate isin saudozu Coronel António Soares da Silva” Mau kalo “ , hodi hato’o sentidu profunda kondolénsia ba família enlutada iha nia rezidensia Quintal bo’ot Díli.
Saudozu António Soares Mau “Kalo “hakotu, ninia peregrinasaun iha loron 12 fulan Outubru tinan 2024, ho idade tinan 62, wainhira hala’o hela tratamentu ba nia saúde iha ospitál Internasional Malásia tanba sofre moras komplikadu.
Saudozu hakotu peregrinazaun hodi husik hela nia fen kaben Sra Etalbina Fernandes Belo ho oan nain tolu, kompostu husi Mane ida no Feto rua. Hafaoin ba hala’o tratamento saúde durante fulan rua ho balun iha ospitál Internasional Malásia.
Nune’e iha loron 17 fulan outobru tinan 2024, Familia enlutada hamutuk, Governu Timor-Leste , ho tan Instituisaun FALINTIL Forsa Defeza Timor-Leste, simu Kadaver Saudozu Coronel Antonio Soares da Silva ho kodigu ‘Maukalo’ iha Aeroportu Internasionál Prezidente Nicolau Lobato Comoro iha oras 13:30 Otl.
Saudozu Coronel “Mau kalo” moris iha Macadiqui, Postu Administrativu Uatulari, Munisipiu Viqueque, iha loron 09 fulan Dezembru 1962, durante período tinan 16, partisipa iha luta libertasaun nasionál, iha ne’ebé hola parte iha Postu Desmobilizasaun Komandante de Unidade.
Saudozu Koronel António Soares da Silva simu kondekorasaun ho Medalha Ordem de Guerrilha iha loron 19 fulan Maiu 2007 no hetan fitun tolu bazeia ba ninia partisipasaun, dedikasaun no sakrifisiu naruk ne’ebé nia fo ba Timor-Leste nia luta ba ukun rasik an.
Tuir informasaun husi família enlutada, serimonia fúnebre ba saudozu Mau kalo, sei hein dekretu lei husi Sua Exelénsia prezidente da Repúblika Dr. José Manuel Ramos Horta #MediaIDN
|
|
