Díli, 27 Maiu 2025 – Instituto Defeza Nasionál (IDN) simu vizita ofisiál husi reprezentante Guarda Nasional Republikanu (GNR) husi Portugal, Koronel Armando Videira, ho intensaun atu reforsa kooperasaun iha área seguransa entre Timor-Leste no Portugal.
Enkontru ne’eb’e realiza iha audióriu IDN nian iha Palásiu Governu, parte sira diskuze akordu kooperasaun ne’ebé IDN no GNR establise ona iha tinan sira liu ba. Akordu ne’e sei kontinua iha forsa no valor, hodi reforsa kooperasaun iha área seguransa entre Timor-Leste no Portugal.
Iha diskusaun, delegasaun GNR partilha informasaun sira importante ne’ebé bele fó kontribuisaun signifikante ba IDN, liu-liu iha área formasaun no ensinu kona-ba seguransa.
Delegasaun GNR mós hateten katak prezensa sira iha Timor-Leste representa grupu profisionál ho koñesimentu boot iha setor seguransa, no bele sai referénsia importante ba kolaborasaun iha futuru.
IDN aprobeita oportunidade ne’e atu propoin temas relevantes atu sai kontéudu ba formasaun espesífiku iha área seguransa.
Parte GNR mós hatudu kontentementu ba kolaborasaun ne’e no fó kompromisu atu kontinua kontribui, liu-liu ho partillamentu koñesimentu no esperiénsia iha setor seguransa. #MédiaIDN
|
|
