Díli-Institutu Defeza Nasionál ba loron 24 fulan fevereiru tinan 2025, realiza konferénsia ho temática, polítika Defeza no Seguransa Nasaun Xina iha kontestu Aziátika, ne’ebé aprezenta husi orador Embaixadór Timor Leste ba Xina, Dr Loro Horta. No hetan moderadora husi Dra Elisa Maria da Silva, hanesan Diretora Jeral Asunto ASEAN, iha Auditorio IDN palasiu Governu Díli.
Ba media IDN, Adjuntu Diretór IDN Kapitaun Fragata Duarte Borges Loe hateten, Tema ne’ebé eskolha iha konferensia ne’e, hare liu ba implikasaun, no prespetiva relasaun nasaun Xina nian, iha asuntu defeza no segurança relasaun ho Timor-Leste.
Konferénsia ne’e relasiona, iha fulan kotuk, participantes Terseiru Kursu Estadu Maior Konjunto Integradu, hetan ona matéria unidade kurikular ida, sobre Estratéjia, ne’ebé sira temina ona ho teoria.Q
Tan ne’e, ohin IDN realiza konferénsia ida ne’e, konvida palestrante hanesan Embaixador Timor Leste ba Nasaun Xina, Dr Loro Horta ne’ebé, iha esperensia tebes ho mós Diretóra Jerál Asuntu ASEAN nian Dra Elisa Maria da Silva, iha Ministério Negosio Estranjeru no Koperasun (MNEK).
Ho ne’e, liu husi palestra ne’ebé ohin orador hato’o, hare liu ba esprensia, no politika Xina, iha asuntu Defeza no Seguransa, iha kontestu Aziátika, nian importância ba IDN, tanba forma líder oficial PNTL ho F-FDTL, iha Terseiru Kursu Estadu Maior Konjunto Integradu, sira presiza iha koiñesimentu iha área estratejia. Hanesan ne’ebé sira aprende ona iha teoria, li-liu iha Jeo-Polítika no Jeo-Estratégia ho Jeo-ekonomia.
Nune’e Iha jeopolitika, partisipante sira aprende sobre influensia politika Xina iha Jeo-politika aziatika, afeita ba iha relasaun internasional, ohin sira mai rona direita husi peritu Dr.Loro Horta.
Ba asuntu Jeo-Estratejia, sira bele entende di’ak, asaun estratéjia militares diplomatika Xina nian, ho parseria sira ne’ebé Xina esperensia koperasun ba, iha rejiaun Aziátika. ba asuntu Jeo- Economia, ohin orador aborda importansia ekonomia Xina iha polítika koperasaun ho pais vizinu sira, inklui Timor-Leste.
Ho ne’e, relevansia husi konferensia ohin, ba ita nia oficial PNTL ho F-FDTL ne’ebé halao formasaun iha Terseiru Kursu Estadu Maior Konjunto integradu iha IDN, ba iha kestaun defeza Nasionál.
Izemplu ohin palestrante hateten, ,antes Militar Xina nia planu oreintasun hare liu ba parte terrestre, maibe depois ne’e, Militar Xina nia planeamento Militar, orienta liu ba marítima, nune’e nia relevansia ba partisipante sira, hanesan oficial PNTL ho F-FDTL, bele iha visaun ida profundu, sobre oinsa dezenvolve forsa ida, bazeia ba misaun no realidade ne’ebé ita nia Nasaun iha. Ne’e maka lisaun ita aprende husi Xina.
Partisipa iha konferénsia ne’e mai husi Diretór Interinu IDN Dr Guilherme Soares, adjuntu Diretór IDN, kapitaun Fragata Duarte Borges Loe, oficial PNTL ho F-FDTL ne’ebé partisipa iha Terseiru Kursu Estadu Maior Konjunto Integradu, no Primeiru Kursu Kapitaun Portu, Asesór, kargu Xefia sira iha IDN ho funsionáriu sira.
Remata ho IDN entrega prendas ba orador ho moderador ho Foto hamutuk. #MediaIDN
|
|
