Dili- Iha loron 30 fulan Janeiru tinan 2025, partisipante Kursu Estado Maior Konjunto Integradu ho naran kompletu Majór Vitorino Soares remata ona ezame Monografia ba traballu investigasaun individual husi Instituto Defeza Nasionál, Palacio Governo Dili.
Aktividades akademia aprezentasaun monografia husi Majór Vitorino Soares ho tema “Optimizasaun ba Jestaun Transporte iha FALINTIL- Forsa Defeza Timor -Leste F-FDTL, Estratéjia ba efisiénsia no redusaun kustu”, hala’o iha auditoriu IDN Palásio Governu Díli.
Hetan orientador husi Dr. Ivo Gonçalves, Prezidente Juri Dr. Nuno Corvelo Sarmento, Ezaminador dahuluk Coronel Benedito Dias Quintas “Punu-Fanu”, Ezaminador Daruak Dr. José Manuel Fernandes “Nakfilak”, reprezenta Diretór Ensinu Formasaun Dra. Ermegina Alves.
Fundamentu husi partisipante hili tema mensiona ho optimizasaun ba jestaun transporte iha FALINTIL-FDTL nian, sai hanesan tópiku ida-ne’ebé iha importánsia no impaktu boot, liuliu iha kontestu instituisaun militár, ne’ebé iha efisiénsia operasionál no jestaun rekursu responsavel fundamentál.
Nune’e mós, limitasaun tópiku ne’e esensiál atu asegura fokus klaru no espesífiku ba peskiza ka projetu. Ba tópiku “optimizasaun Jestaun Transporte iha FALINTIL-FDTL Estratéjia ba efisiénsia no Redusaun Kustu.”
Tanba FALINTIL –FDTL harii durante luta ba independénsia Timor-Leste nian no, hafoin independénsia, sira sai hanesan Forsa Defeza FALINTIL Timor-Leste (FALINTIL-FDTL). Iha loron 1 Fevereiru 2001, ofisialmente transforma ba FALINTIL-FDTL, ne’ebé marka tranzisaun husi forsa.
Nune’e ho mak atu investiga no propoin estratéjia sira, atu hadi’a jestaun transporte ba iha FALINTIL-FDTL, atu hamenus kustu no hasa’e efisiénsia operasionál, no Objetivu espesífiku sobre, Analiza situasaun jestaun transporte iha FALINTIL-FDTL, Identifika pontu efisiénsia iha jestaun transporte, Propoin solusaun optimizasaun bazeia ba prátika lojístika no jestaun transporte. Avaliasaun impaktu husi proposta solusaun sira kona-ba redusaun kustu no hadi’a efisiénsia.
Enkuantu ba oras ne’e dadaun Institutu Defeza Nasionál, finaliza ona ezame monografia ba partisipantes Terseiru Kursu Estadu Maior Konjunto Integradu hamutuk na’in 11, no sei falta partisipantes na’in 4, ne’ebé sei realiza mós ezame monografia iha tempu tuir mai, bazeia orariu diresaun Akademia IDN. Aktividades akademia ne’e, Remata ho foto hamutuk. #MediaIDN
|
|
