Díli- Partisipantes Kursu Kapitaun Portu ba loron 7 fulan Fevereiru tinan 2025 remata matéria administrasaun maritimu portuária ho teste avaliasaun, husi Dosente Eng. José Carlos Dias Simão iha auditorio IDN Pateo Díli.
Objetivu husi teste avaliasaun ne’e, atu dosente bele hatene kona-ba partisipantes sira nia koñesimentu kona-ba Matéria Administrasaun Marítima Portuária ne’ebe partisipantes sira aprende durante semana ida ne’ebé hahu husi loron 3 to’o loron 7 fulan fevereiro tinan 2025.
Durante loron lima, matéria administrasaun marítima portuária ho nia sub tema sira participantes sira aprende, mak hanesan definisaun husi administrasaun marítima, Ordenamentu Territóriu Marítimu, Rejistu Ró nian iha Timor-Leste Kontestu Dijitalizasaun, Dekretu-Lei No. 96/89 loron 28 fulan-Marsu, iha autoridade Governu Repúblika Portugál nia okos.
Akordu ne’ebé regula delegasaun tarefa no funsaun espesífiku sira relasiona ho sertifikasaun estatutária ba ró sira ne’ebé hetan autorizasaun atu halo navegasaun ho Bandeira Portugál, Dekretu-Lei ne’e Establese rekizitu mínimu sira seguransa nian no regulamentár sira ne’ebé aplikavel ba ró sira ne’ebé transporta sasán sira ne’ebé la kobre hosi Konvensaun SOLAS 1974, DEKRETU-LEI No. 13/2024 hosi loron 20 fulan-Marsu kona-ba rejistu ró ni’an, Rezolusaun Parlamentu Nasionál. No Bandeira Portugál no liu hosi área sira ho risku aas ba pirataria, Nú. decree-lei n. 14 /2024 20 Marsu kona-ba inspeksaun tekniku.
Enkuantu Partisipantes Kursu Kapitaun Portu ba loron 3 fulan Fevereiru tinan 2025 hahu aulas ho matéria Administrasaun Maritima Portuária, ne’ebé hanorin husi Dosente Eng. Jose Carlos Dias Simão, nudar Profesor Jestaun Portu no Simplifikasaun Prosedimentu iha Portugal no Angola, atual diretor-geral ba recursos naturais, seguransa no servisu maritimu Portugal nian iha auditorio IDN Pateo Díli.
Matéria Administrasaun Maritima Portuária ho nia Misaun prinsipál mak jestaun Estadu bandeira, katak ro sira ne’ebé navega bandeira nasaun ne’e nian no tasi-ibun sira ho livru nasionál ida kona-ba tasi-ibun. Funsaun principal, responsavel ba implementasaun polítika governu nian ne’ebé relasiona ho ro no ro sira, seguransa marítima jerál, navigabilidade, konstrusaun seguru no estabilidade.
Kontrola sasán perigozu sira ne’ebé lori, seguransa navigasaun, ekipa seguru, protesaun ba transporte tasi-ibun no portu sira, sertifikadu kompeténsia / lisensa ba ekipa sira. Ekipa nia saúde, seguransa no moris-di’ak, buka-hatene no salva sivíl. Prevensaun no kombate poluisaun no resposta tasi nian, investigasaun ba asidente tasi nian. Reprezenta nasaun ne’e iha OIM no konvensaun internasionál sira seluk.
Enkuantu Diretór Interinu Dr. Guilherme Soares hato’o agradese wain ba Dosente Eng. José Carlos Dias Simão, ne’ebé hanorin ona matéria administrasaun maritimu portuária ba partisipantes primeiru Kursu Kapitaun Portu, espera ho matéria refere bele aumenta kapasidade ba partisipante sira.
Tuir orariu husi diresaun ensinu formasaun Institutu defeza Nasionál, kursu kapitaun portu sei kontinua iha semana oin, ho unidade kurikular segurança maritima e autoridade maritima ne’ebe sei hanorin husi dosente Kapitaun-Mare-Guerra José Velho Gouveia, (PhD).
Akatividade akademia ne’e remata ho IDN entrega prendas ba dosente ho foto hamutuk.#MediaIDN
|
|
