Dili-Partisipantes Kursu Kapitaun Portu ba loron 13 fulan Janeiru tinan 2025, partisipa iha aulas ho matéria Literasia Digital, ne’ebé hanorin husi Diretór Interinu Institutu Defeza Nasional Dr. Guilherme Soares, iha auditorio IDN Palasiu Governu Díli.
Iha kontinuasaun matéria Literasia Digital ne’ebé hanorin husi Eis Asesdor IT ho esprensia kuaze tinan 20, lori partisipantes primeiru Kursu Kapitaun Portu aprende konaba maneira oinsa hatene testa koneksaun rede uza command prompt, verifikasaun local no external IP, identifikasaun fornesedor internet no halo verifikasaun ba velosidadade bandwith internet no halo auditorio ba seguransa informasaun.
Alende mós partisipntes sira hetan matéria sobre estratégia informasaun ho sistema IP, hodi fasilita hasae participantes sira hanesan oficial superior husi componente Maritima PNTL no Komponente Naval husi F-FDTL ho autoridade marítima sira nia koiñesientu.
Fundamentu Kursu ida ne’e, buka prepara oficiais atu servisu efectivamente iha jestaun portuária, no hatudu importancia kompeténsia teknológika iha tempu era digital ida-ne’e. ho objetivo atu habilita estudante Sira hodi uza ferramenta digital atu otimiza komunikasaun, jestaun informasaun, no analisa dadus ne’ebe relasiona ho administrasaun portuária no operasaun maritíma. Durante sesaun, Diretor Interinu sublinha relevansia atu integra tecnologia Hanesan ferramentas estratejiku iha operasaun seguransa no defesa maritíma, Liu husi konteksu transformasaun digital ne’ebe aumenta.#MediaIDN
|
|
