Díli- Partisipantes Cursu Estadu Maior Conjunto Integradu ba dala 3, mai husi Major no Kapitaun Fragata husi FALINTIL Forsa Defeza Nasional Timor Leste (F-FDTL) hamutuk nain 11. iha loron 26 fulan Novembru tinan 2024, remata materia Doutrina Naval ho teste avaliasaun.
Fundamentu husi ezame teste avaliasaun hodi husi dosente Dr Rodrigo Ricardo Garçia Bernal bele hatene participantes sira nia kompriensaun sobre materia ne’ebe dosente hanorin durante semana ida, iha auditorio IDN palasiu Governu Díli. Ao mesmu tempu mós, Institutu defeza Nasional halao despedida ba dosente Dr Rodrigo Ricardo Garçia Bernal iha auditorio IDN Palásiu Governu.
Enkuantu antes ne’e, Bazeia ba orário ne’ebé fó sai husi Diresaun Ensinu e Formasaun Institutu Defeza Nasional (IDN), partisipantes sira ne’e , durante semana ida, hahu loron 20 to’o loron 27 fulan ne’e, sei hetan materia espesífika ne’ebé aulas haketak entre participantes husi PNTL ho F-FDTL.
Materia doutrina Naval, ho fundamentu atu hasae koiñesimentu participantes sira ne’ebé hanesan futuru ba liderança iha instituisasun F-FDTL ba natureza servisu naval nian. #MediaIDN
|
|
