Partisipantes 3º CEMCI nain 2, Realiza Ezame Proposta

Iha parte lokraik ba loron dahuluk, partispantes Major “ Cmd” OE .Gregorio B. Correia, realiza ezame proposta ho Titulu “Kapasidade Intervensaun FALINTIL Forsa Defeza Timor Leste nian iha dezafiu no prespetiva asisténsia umanitária ba operasaun” iha senáriu kompleksu, hahu husi Kapitulu I to’o Kapitulu III. Hafoin hein hakat ba faze peskiza hodi ba ezame monografia.

Ezame proposta husi Major “ Cmd” OE Gregorio B. Coreira, lidera husi Prezidente Júri Dr. Nuno Corvelo, Examinador dahuluk Kapitaun Tenente Duarte Borges Loe, Ezamidadora daruak Dra Ermegina Alves, Examinador datoluk Dr José Manuel Fernandes “Nakfilak” akompaña mós husi kordenador do Kursu Ensinu Formasaun Superintendente Assistente Joni Viana ho Diretóra Akademia Dra Eunice Noronha ho audensia sira.

Hafoin ne’e, kontinua kedan ho aprezentasaun ezame proposta partisipantes Cursu Estadu-Maior Conjunto Integradu ba dala 3, husi Kapitaun Fragata Guido Guterres da Silva ho tema proposta “Papél komponente navál F-FDTL nian iha kombate peska ilegál, avalia ninia efikásia no estratéjia sira atu hadi’a protesaun rekursu tasi nian”, husi Kapitulu I to’o Kapitulu III, hodi hein hakat ba faze peskiza,hafoin ba ezame monografia.

Partisipantes Kapitaun Fragata Guido Guterres da Silva lidera husi Prezidente Júri Dr. Nuno Corvelo, Examinador dahuluk Kapitaun Tenente Duarte Borges Loe, Ezaminadora daruak Dra Ermegina Alves, Examinador datoluk Dr José Manuel Fernandes “Nakfilak” akompaña mós husi kordenador do Kursu Ensinu Formasaun Superintendente Assistente Joni Viana , Diretóra Akademia Dra Eunice Noronha ho audensia sira.

Ho remata ezame proposta husi partispantes nain rua, atual ne’e, sei hela partisipantes Kursu Estadu Maior Konjunto Integradu nain 13, ne’ebé prepara mos sira nia materia proposta hodi hein ba faze ezame. #MediaIDN