Díli- Ekipa Tekniku husi Sekretaria Estadu Administrasaun Eletóral (STAE) iha loron 8 Fulan Outobru Tinan 2024, hala’o aktividades resenseamentu ba kartaun eleitóral Eletrónika foun ba kargu Xefia no Funsionáriu sira iha Institutu Defeza Nasional (IDN) ho Partisipantes Kursu Estadu Maior Konjunta Integradu ba dala 3 iha auditário IDN Palásiu Governu Dili durante loron ida.
Fundamentu husi ekipa STAE ne’ebé lidera husi xefi Departementu jestaun baze de dadus Sr. Cansio M.P.Magno Pereira , mai halao resenseamentu ba kartaun eleitóral eletrónika foun ho sistema viometriku katak, ema ida iha dadus eleitórial ida iha IDN. Ho intesaun atu rigorozu dadus eleitóral no redus fraude ba kartaun eleitóral iha rai doben Timor Leste.
Aktividades resenseamntu ne’e, STAE hahu iha tinan 2024, ne’ebé hetan lansamentu iha Munisípiu Manatutu, nia implementasaun foin hahu iha Munisipiu Díli, hodi hatene dadus lolos ba populasaun iha timor laran.
Resenseamentu iha IDN hahu husi Diretór Interinu IDN Dr. Guilherme Soares, kontinua mai Diretór Jeral Jestaun Rekursu Dr. Paulino Viegas, Diretór Ensinu Formasaun Kapitaun Tenente Duarte Borges Loe, mai diretor Nasional , Asesór, Xefi Departementu, funsionáriu ho Partisipantes Kursu Estadu maior Konjunta Intergadu ba dala 3. #MediaIDN
|
|
