Aileu-Ekipa kunjunta, mai Sekretario Estadu Terras e Propriedades Nasional no Diresaun Terras Munisipal Aileu, akompanha mos husi representante autoridade Munisipal, Instituto Defeza Nasional (IDN), Autoridade local ho lia nain sira, iha Loron 12 Marsu 2024, finaliza hala’o ona Identifikasaun no Levantamentu ba rai ho hektarias 47, ne’ebe atu hala’o Kontrusaun ba Futuru Edifisio ba Kampus Instituto Defeza Nasional (IDN) neebe sei hari iha area Hundolte, Suku Liu Rai, Munisipiu Aileu.
Maneira sukat ho rai hektaris 47, ekipa tekniku husi Terras Nasional lori JPS eletronika hodi lao hale’u rai neébe oferese husi Komunidae Suku Liu Rai, ho kompleta hektaris 47, inklui sukat mos dalan asesu ba edifisiu kampus IDN.
Tuir Representa Diretor Geral Terras Propriedade Sr. Antonio Calçeres hateten, antes parte Sekretario estadu Terras Propriedade husi Terras Nasional, mai sukat ona rai refere ho deit hektaris 42, maibe IDN presiza rai hektaris 47, ohin Terras Nasional mai kontinua sukat hodi aumenta tan hektaris 5, hodi kompleta hektaris 47, ne’ebe IDN presiza.
Tuir informasaun ne’ebe parte terras Propriedade Nasional asesu husi terras Munisipal informa, laiha povu ruma sai afetadu ba rai ne’ebe atu sukat, ne’ebe pasu ne’e, posetivu tebes hodi fasilita ekipa tekniku sira sukat rai refere ba kontrusaun futuro kampus IDN ne’e.
Husi parte Terras Propriedades ekipa tekniku kompletu no preparadu hodi sukat rai refere ho ekipamentu JPS eletronika, para fasilita ho lalais, espera iha prosesu implementa sukat iha terrenu mos la oho susesu.
Nune’e mos, Representa Presidente Autoridade Munisipal Aileu, Sr. Rogerio da Conceiçao hatutan, autoridade Munisipal, apoia sem rezerva ba aktividades sukat rai ho dalan asesu ba hari futuru kampus IDN, ne’ebe ekipa Terras Propriedades Nasional hala’o ohin.
III Sekretario Munisipal Asunto Sosias e Organzação Munisipal Aileu ne’e husu autoridade Munisipal ne’e, komunidade em jeral , husi suku Liu Rai, Malere no suku Bandudato, inklui em geral komunidade Aileu , tenke kontribui apoio tomak aktividade IDN nian ne’e, ba interesse , dezenvolvmentu kampus IDN ne’ebe, sei hari iha Munisipiu Aileu.
Partisipante iha aktividade ne’e, III Sekretario husi Presidente Autoridade Munisipal Aileu, Sr. Rogerio da Conceiçao, Representa Diretor Geral Terras Proprieridade Sr. Antonio Calçeres, Administrador postu Administrativu Aileu Fila, Sr. Abrão Nascimento, Diretor terras Munisipal Aileu Sr. Zacarias Mendonça, Komandante PNTL Eskuarda Aileu Vila, Autoridade Lokal suku Liu Rai, lia nain sira ho ekipa IDN. #MediaIDN
|
|
