Díli, Timor-Leste – 15 fulan-Jullu 2024
Instituto Defesa Nasionál Timor-Leste (IDN-TL) hetan konvite hodi partisipa hanesan observadór iha Enkontru Anuál ba dala-17 Rede Instituisaun Defesa no Seguransa ASEAN (NADI), ne’ebe sei realiza hosi loron 15 to’o 18 fulan-Jullu 2024 iha Krabi, Tailândia. Konvite ida-ne’e, formalizadu liuhosi surat ofisiál liu husi MNEC no Embaixada Timor-Leste iha Bangkok iha loron 7 fulan-Maiu 2024, ne’ebe fornese hosi Major General Nirut Duangpanya, Diretór hosi Sentru Estudos Estratéjiku Instituto Estudos Defesa Nasionál Tailândia, hato’o importánsia ida boot ne’ebe mak Timor-Leste iha iha área seguransa rejionál.
Kontestu no Objetivu hosi Evento
NADI hamosu hanesan plataforma diskusaun Track II, ne’ebe halo suporta ba Enkontru Ministru Defesa ASEAN (ADMM). Plataforma ida-ne’e hamutuk ho think tanks no institusaun relevanti sira hosi membru nasaun ASEAN sira hodi diskuti no rezolve kuestões seguransa ne’ebe afeta rejiaun ne’e. Tinan-ne’e, tema prinsipal ba enkontru mak “Evolui no Hamosu Desafiu Seguransa La-Tradisionál iha Epoka Mundu Disruptivu.”
Importánsia Partisipasaun IDN-TL
Partisipasaun IDN-TL iha enkontru ida-ne’e importante tebes ba razao sira mak hanesan:
Integrasaun Rejionál: Presensa Timor-Leste hanesan observadór iha NADI maka passos importante ida hodi atu integra liu tan nasaun ida-ne’e iha komunidade seguransa ASEAN. Ne’e la’ós de’it hametin relasaun bilaterál no multilaterál ho nasaun membru ASEAN sira, maibé mós halo Timor-Leste hanesan ator ativo no involve iha kuestões seguransa rejionál.
Kooperasaun no Kolaborasaun: Partisipa iha NADI fo oportunidade ba IDN-TL hodi kolabora ho think tanks no institusaun defesa sira iha ASEAN. Ne’e bele hafasil ho troka informasaun, dezenvolve kapasidade no formulasaun estratéjia hamutuk atu rezolve desafiu seguransa komún sira hanesan terrorismo, seguransa siber no ameasa la-tradisionál seluk.
Visibilidade Internasionál: Konvite ida-ne’e mos aumenta visibilidade internasionál Timor-Leste hanesan parséria ne’ebe kompromete ba dame no estabilidade rejionál. Partisipasaun ativo iha diskusaun no foruns seguransa bele hadia reputasaun nasaun ida-ne’e hanesan defensor kooperasaun no seguransa kolektivu iha Ásia-Pasífiku.
Konkluzaun
Partisipasaun IDN-TL iha Enkontru Anuál NADI nian ba dala-17 importante tebes ba Timor-Leste. Envolvimentu ida-ne’e la’ós de’it hametin relasaun nasaun ida-ne’e ho ASEAN, maibé mós fornese plataforma valióza atu troka ideia no kolabora iha kuestões kritiku seguransa. Bainhira Timor-Leste kontinua hodi afirma nia’an hanesan participante ativo iha seguransa rejionál, evento hanesan ne’e importante tebes atu promove dame, estabilidade no prosperidade iha rejiaun Ásia-Pasífiku. #MediaIDN
Visualizações de posts: 167