Díli- liu husi aktvidades jogus Futsal ne’ebé hala’o iha loron 22 Jullu tinan 2024, tuku 9 kalan iha kampu futsal Ministériu Defeza Fatuhada Díli, ekipa jogador husi Sekretariu Estadu Protesaun sivil (SEPC) manan ekipa IDN ho skor 4. Maske ekipa IDN hala’o esforsu kontra ataque ne’ebé ho maximu.
Maske lakon, maibe sei la hamate esperitu husi ekipa IDN, ho esperansa sei iha oportunidade hasoru jogu futsal ho ekipa sira husi Institusaun Estadu seluk, iha tempu tuir mai iha Copa Futsal FALINTIL –FDTL 2024.
Iha loron 22 jullu Tinan 2024, Diretór Jerál Jestaun Rekursu Institutu Defeza Nasionál Dr. Paulino Viegas iha abertura, husu ba ekipa Jogador husi IDN, hatudu esperitu desportivu ho optimista, sei hetan rezultadu ne’ebé posetivu iha Copa Futsal FALINTIL–FDTL 2024, no prepara mós atu simu rezultadu lakon.
Manan ka lakon ne’e normal iha mundu desportivu, importante ekipa IDN nafatin mantein disiplina durante partisipa iha eventu Copa Futsal FALINTIL–FDTL 2024.
Tuir orariu husi Komisaun Organizadora ba loron 28 Jullu Tinan ne’e, tuku 9 kalan ekipa IDN sei hasoru ekipa husi Ministériu Defeza (MD), kontinua ba loron 2 Agusto tinan hanesan ekipa IDN sei joga Futsal hasoru ekipa husi Timor Telekom (TT) tuku 9 kalan nafatin.
Fó hanoin fali Ekipa Jogu Futsal husi Institutu Defeza Nasionál IDN) iha loron 18 Jullu Tinan 2024, partisipa iha abertura aktividades desportivu Copa Futsal FALINTIL–FDTL ba tinan 2024, hodi Komemora loron FALINTIL ba dala 49 , ne’ebé sei Komemora iha loron 20 Agusto tinan ne’e.
Hola parte iha abertura Copa Futsal FALINTIL–FDTL ba tinan 2024, Ekipa Jogu Futsal husi Institutu Defeza Nasionál (IDN) lidaradu husi treinador João Pedro Ribeiro , akompaña husi assistente Treinador Martinho Amaral no Official ekuipa Tonilo da silva Santos no jogador sira. #MediaIDN
|
Visualizações de posts: 193