Díli- Partisipantes Primeiro Kursu Kapitaun Portu ba loron 21 fulan Fevereiru tinan 2025, hetan ezame sobre materia Siber Seguransa, ne’ebé hanorin husi dosente Kapitaun Mar e Guerra, Hélder Fialho de Jesus, iha auditoriu Institutu Defeza Nasionál Pateo Díli durante loron 5.
Tuir prosesu akademia ne’ebé lao iha Institutu Defeza Nasionál, hafoin partisipantes sira remata ezame ba kada matéria ,dosente hala’o kedan koreksaun, hodi hatene partisipantes sira nia resposta ba perguntas sira, aumesmu tempu, bele hatene partisipante sira nia komprensaun.
Fundamentu ezame ba matéria Matéria Siber Segurança ho importância atu dosente bele avalia partisipantes sira nia koñesimentu ba aproveitamentu aulas durante loron 5.
Iha oportunidade ne’e, Diretór Interinu Institutu Defeza Nasionál Dr. Guilherme Soares hato’o agredese wain ba dosente Kapitaun Mar e Guerra, Hélder Fialho de Jesus, ne’ebé hatudu nia disponibilidade durante loron 5, hodi hanorin matéria Siber Seguransa ba partisipantes primeiru Kursu kapitaun Portu iha IDN.
Enkuantu Objetivu Jeral Komprende importánsia husi konsiénsia situasional tasi nian ba jestaun, teknolojia no segurança, No importánsia husi siber seguransa nia rohan.
Komprende diversidade ambiente teknolojiku tasi nian, Identifika tipu rekursu teknolojiku oin-oin ne’ebé afeta ba ekosistema tasi nian Hatene tendénsia teknolojia ne’ebé asosiadu ho tasi nian.
Aktividade akademia ne’e, remata ho Institutu Defeza Nasionál entrega prendas ba dosente no remata ho foto hamutuk. #MediaIDN
|
|
