Díli, 10 Juñu 2025 – Institutu Defeza Nasionál (IDN), liuhosi Diretóra Jerál Jestaun Rekursu, Dra. Josefa dos Reis Gonçalves, realiza enkontru jerál ho kargu xefia no funsionáriu sira, iha salaun auditóriu IDN iha Palásiu Governu.
Enkontru ne’e nudar parte husi esforsu atu hadia koordinasaun no komunikasaun entre departamentu sira iha IDN, mós atu haree no analiza prosesu servisu iha institusaun nian.
Objetivu prinsipal enkontru ne’e mak atu reforsa koñesimentu, komunikasaun no kolaborasaun entre lideransa no funsionáriu sira, bazeia ba prinsipiu no regras administrasaun públika, hodi implementa servisu ne’ebé efetivu no transparenti.
Dra. Josefa fó énfase ba importánsia kooperasaun no komunikasaun efetivu iha ambiente servisu, nesesidade atu hadia planu jestaun rekursu umanu, dezenvolvimentu kapasidade funsionáriu sira, no prioridade ba treinu profisionál.
Nune’e, akompañamentu ba implementasaun programa no planu sira iha IDN mós sai parte importante.
Liu husi enkontru kordenasaun ne’e, kargu xefia no funsionáriu sira fó kontribuisaun importante ho partisipasaun ativa, hato’o prioridade lokal no rekomendasaun relevante atu aumenta efisiénsia no transparénsia iha fatin servisu. #MédiaIDN
|
|
