Dili- Partisipantes primeiru Kursu Kapitaun Portu ba loron 17 fulan Janeiru tinan 2025, remata iha aulas ba matéria Literasia Digital, hanorin husi Diretór Interinu Institutu Defeza Nasionál Dr. Guilherme Soares, iha auditorio IDN Palasiu Governu Díli, ho aprezenta grupu 4.
Iha aktividades aprezentasaun iha parte loraik, ba grupu dahuluk aprezenta matéria ho tema Atake Sibernétika ba estónia akontese iha fulan Abril tinan 2007. Ida ne’e maka kazu ida ne’ebé maka iha perfil aas dahuluk kona ba funu sibernétika iha Nivel Nasional.
Grupu daruak ho tema aprezentazaun kona ba Colonial Pipeline Ransomware attack, ne’ebé konsidera hanesan pipeline ida ne’ebe bo’ot liu iha Estadu Unidus America, ho nia naruk 8,851km.
Grupu ba datolu ho tema aprezentasaun Stuxnet mak malware ne’ebé kompleksu hodi ataka sistema kontrolu industri. Tanba Stuxnet hanesan vírus informátiku ida ne’ebe dezeñadu ataque sistema industrial sira mosu barak iha iraun no nia gravidade interferência estadu nian.
Grupu ba dala haat, aprezenta sira nia trabalhu ho tema Krime Informatika ho nia Frenquensia iha timor leste,considera mediu, tanba timor leste laiha protokolu segurança Cyber, hodi expose utilizador sira ba futuro identifika no considera laos pais ne’ebe vulnerável liu ba aktividade ilegal online.tanba Timor Leste seidauk iha kompetisaun negosiu ne’ebe aas ho meius uteliza linha internet.
Fundamentu aprezentasaun ne’e hodi dosente participantes sira nia komprensaun ba materia sira aprende, tanba Kursu ida ne’e, buka prepara oficiais atu servisu efectivamente iha jestaun portuária, no hatudu importancia kompeténsia teknológika iha tempu era digital ida-ne’e. ho objetivo atu habilita estudante Sira hodi uza ferramenta digital atu otimiza komunikasaun, jestaun informasaun, no analisa dadus ne’ebe relasiona ho administrasaun portuária no operasaun maritíma. Durante sesaun, Diretor Interinu sublinha relevansia atu integra tecnologia Hanesan ferramentas estratejiku iha operasaun seguransa no defesa marritíma, Liu husi konteksu transformasaun digital ne’ebe aumenta.#MediaIDN
|
Visualizações de posts: 164