Díli- Sua Exelénsia Ministru Defeza Professor Doutor Contra Almirante Donaciano Costa Gomes “Pedro Klamar Fuik”, ho ekipa sira, iha Loron 12, Fulan Agosto Tinan 2024, hala’o vizita servisu Mai Institutu Defeza Nasionál (IDN) iha Auditoriu Palasiu Governu Díli.
To’o iha IDN, Sua Exelénsia Ministru Defeza Contra Almirante Pedro Klamar Fuik, simu direita husi Diretór Interinu IDN Dr Guilherme Soares hodi akompaña ba iha sala auditóriu ne’ebé hein ona husi Funsionáriu ho kargu xefia sira.
Diretór Interinu Institutu Defeza Nasionál Dr Guilherme Soares,
hato’o bemvindu ba disponibilidade husi Sua Exelénsia Ministru Defeza Professor Doutor Contra Almirante Pedro Klamar Fuik ne’ebé ohin hala’o vizita mai IDN, hodi rona programa no aktividades inklui progresu sira ne’ebé IDN atinji.
Ba Jornalista iha Auditoriu IDN palásiu Governu segunda 12 Agosto Tinan 2024, Sua Exelénsia Ministru Defeza Contra Almirante Pedro Klamar Fuik hateten, Ohin halo visita mai Institutu Defeza Nasional, konstitui prevelezu ida, mai IDN, hodi hare’e progresu evolusaun ba aktividades hotu ne’ebé IDN halo tiha ona no ne’ebé maka seidauk hala’o.
Tanba tuir nia, Institutu Defeza Nasionál, iha espasu ba reflesaun ida, ohin loron espasu ida konstitui ba nia formadu sira no ba ema hotu, espasu ne’ebe bele debate ona, konseitu hotu ne’ebé relasionadu ba kestaun iha área Defeza no Seguransa. Inclusivamente dezenvolvimentu ne’ebé lao iha ita nia rain. Li-liu prosesu kontrusaun Estadu Nasaun.
Nune’e objetivu husi vizita servisu ne’e , dahuluk atu hatene progresu servisu ne’ebé IDN halo, rona diresaun sira, kompremente pessoal sira iha IDN, hare’e lista prioridades saída maka sira iha, no sira aprezenta.
Objetivu daruak nian, maka koalia oituan sobre situsaun jerál Timor Leste nian, ne’ebé IDN bele kontribui hanesan instituto ida, forma líder nasional, ne’ebé importante ba dezenvolvimentu rai ne’e nian, nune’e mós formasaun ba sidadaun ativa ne’ebé bele kontribui mós ba prosesu tranformasaun Timor leste, hanesan Estadu ida estável no seguru ho Nasaun ida prosperiu.
No Objetivu espesifika, maka orienta ba Institutu Defeza Nasionál, ne’ebé koalia real ba saída maka IDN halo, li-liu temática ne’ebé maka há’u elabora , IDN bele moderniza no profesionaliza , tamatika ida ne’e , há’u defini ona iha objetivu estratégia IDN desde tinan 2012.
“Ohin há’u mai koalia uitoan ho IDN sobre modernizasaun , hanesan konseitu ida ne’ebé importante ba kualker servidor estadu , li-liu sira iha IDN, oinsa maka bele transforma sira nia an, sira nia hanoin , hahalok. Inklui asaun, iha Institusaun, no organizasaun, para bele kria sistema ba servisu ne’ebé maka efikasia no efisensia. Hodi adapta ba iha kuadru juridiku no norma sira regulamentu ne’ebé maka iha , para depois bele lori institusaun IDN atinji objetivu ne’ebé maka nesesariu,” Informa eis Xefi Estadu Maior Forsa Armadas ne’e.
Alende mós, Koalia ho sira kona ba profesionalizasaun relasiona ho funcionário servidor Estadu hotu , ne’ebe maka tenke halo didiak ba institusaun , oinsa maka bele hare observa valores sira ne’ebé muito importante iha organizasaun ida, hanesan lideransa iha organizasaun ne’e rasik, rekursu ne’ebé maka dispoen, hare valores ne’ebé muito importante hanesan servidores sira ba lealidade, obdese no cumpridor ba servidor estadu iha hanesan IDN halo, ba objetivu Institusain nian.
Tempu hanesan Diretór Interinu Institutu Defeza Nasionál Dr Guilherme Soares hatutan, IDN sente ondradu tebes ho vizita servisu Ministru Defeza, hodi Sua Exelénsia Ministru Defeza bele hatene progresu dezenvolvimentu Institusaun IDN lao to’o iha ne’ebé durante tinan ida.
Parte seluk mós Ministériu Defeza hakbesik ba institusaun sira tutela ba, ho nia Prezensa haforsa liu tan, ondra ida mai institusaun ,oinsa IDN bele dezenvolve institusaun liu liu iha parte atu hala’o tranformasaun IDN ba Institutu Universitariu Defeza Nasional (IUDN)
Tanba iha Programa Ministério Defeza fó kompetensia ba IDN, bele organiza formasaun, organiza trabalhu investigasaun sira , organiza mós trabalhu sira hametin institusaun no haforsa rede institusaun nian, no institusaun konjereu iha reijiaun seluk.
Nune’e IDN mai ho Espetativa, ho prezensa vizita servisu husi Sua Exelénsia Ministru Defeza bele motiva servisu IDN bele diak liu tan. no halo apresisaun ba servisu ne’ebé IDN halo ona no ida ne’ebé seidauk halo, hanesan horseik IDN aprezenta servisu ne’ebe foin ba dahuluk ita halo, hanesan revista ba Mikro geopolítica, Revista mensal, no revista diária sira. No presiza IDN nakloke ba públiku liu husi aktividades sosial sira.
Vizita Sua Exelénsia Ministru Defeza Professor Doutor Contra Almirante “Pedro Klamar Fuik” remata ho Foto hamutuk. #Media IDN
|
|
