Dili- Partisipantes husi Kursu Kapitaun portu, hamutuk nain 17, kompostu husi Komponente Naval F-FDTL nain 2, Unidade Polísia Maritima nain 4, no autoridade Nasional Maritima nain 7, funcionario APORTIL nain 4 iha loron 27 fulan Janeiru tinan 2025, hala’o vizita estudu ba Redasaun Grupu Média Nasionál GMNTV iha parte dader, no parte lokraik hala’o vizita estudu mós ba redasaun Radio Televisaun Timor Leste (RTTL).
Vizita estudu ne’e, akompaña husi Kordenador ensinu formasaun Superintendente Joni Viana, akompaña ho dosente matéria Komunikasaun sosial Prof. Francedess Suni, ne’ebé atual ne’e, hanesan Diretór Kontrola Kualidade Grupo Media Nasionál GMN.
Objetivu husi vizita estudu ne’e, iha âmbito matéria Komunikasaun Sosial ne’ebé hanorin husi dosente Prof. Francedes Suni , durante participantes sira hetan matéria teoria, aproveita iha vizita estudu ne’e, hodi participantes sira , hare mós natureza servisu husi Media Nasionál rua, ne’ebe mak menciona.
Durante vizita estudu ne’e, partesipantes sira hetan oportunidade vizita mós ba diresaun sira hotu, iha instituisaun Grupu Media Nasionál GMN, no Radio Televisaun Timor Leste (RTTL), ligadu ba natureza servisu nian.
Diresaun ensinu formasaun Instituto Defeza Nasionál, hein liu husi vizita estudu ba media nasional GMNTV no RTTL, bele lori koñesimentu ruma ba partsipantes sira ligadu ho matéria Komunikasaun sosial ne’ebé participantes sira aprende.
Kursu primeiru Kapitaun Portu, hetan abertura husi Diretor Interino Instituto Defesa Nacional Dr. Guilherme soares, Iha loron 2 fulan Dezembro tinan 2024, kursu ne’e lao ona durante fulan rua ho balun. ne’ebe parceria entre IDN ho Autoridade Marítima Nacional iha auditoriu IDN Palacio do Governo Dili.
Objetivu husi kursu ne’e mak atu kontribui hodi garante interesse sira husi Timor-Leste iha tasi; kontribui ba ezersisiu autoridade husi timor-leste iha tasi ne’ebe eficiente no efetivu no atu kontribui ba kapasita autoridade marítima hodi fasilita nia misaun.
Kursu ne’e sei hala’o iha formatu presensiál ho modelu aula teoria-prátika, sei ensina iha lian portugués, Uza tetun no ingles sei permitida apenas iha situasaun sira ne’ebe mestres (dosente sira) konsidera importante atu fó hanoin ida ne’ebe barak atu hatene diak liu. Nune’e mos dosente sira sei apresenta no uza kazu prátika sira hodi ajuda partisipante sira komprende materia ne’ebe ensina.#MediaIDN
|
|
