Alunu CEMCI ba Dala 4 Hetan Palestra ho Tema Politika Defesa no Seguransa Publiku
Díli, 27 Novembru 2025 – Alunu husi Kursu Estadu Maior Konjunta Integradu ba Dala 4 partisipa iha palestra ho tema Polítika Defeza no Seguransa Públiku, ne’ebé aprezenta husi palestrante, Diretór Instituto Defeza Nasionál Angola, Dr. Helder Cafala. Palestra ne’e, organiza husi Instituto Defeza Nasionál iha auditoria IDN Pateo Díli.
Objetivu prinspal husi palestra ne’e mak atu alunu sira bele hetan esperiensia no kuñesimentu husi Profesor Doutor Helder Cafala kona-ba konseitu sira iha área defeza no seguransa, inklui siklu seguransa no defeza no estratéjia diplomátika.
Polítika defeza no seguransa públiku envolve integrasaun asaun sira atu proteje sosiedade no Estadu husi ameasa ne’ebé fó foka ba prezervasaun orden públiku, propriedade no soberania. Asaun sira implementa liu husi matadalan no objetivu ne’ebé koordena ajénsia seguransa no defeza públika, inklui kooperasaun sivíl-militar, atu garante seguransa ba sidadaun sira, prevene krime, no proteje interese nasionál sira.
Hafoin remata palestra, alunu sira kursus Estadu Maior Konjunta Integradu ba Dala 4 fó onra no orgullu hodi agradese ba Profesor Doutor Helder Cafala, ne’ebé fahe nia esperiénsia barak kona-ba konseitu sira iha área defeza no seguransa, siklu seguransa no defeza, no estratéjia diplomátika. Liu husi ne’e, alunu sira hetan solusaun dixiplinar ne’ebé integradu ba resposta ba konflitu.
Atividade akademika ne’e remata ho simbóliku entrega kafe Timor husi represéntante alunu ba Dr. Helder Cafala, hanesan sinal de agradesimentu ba nia matenek no kuñesimentu ne’ebé fahe ba alunu sira. #MédiaIDN
