Díli- Partisipantes 3° Cursu Estadu Maior Conjunto Integrado (CEMCI), hamutuk na’in 15 iha loron 26 Juñu, Tinan 2024, kontinua aulas ho matéria Projetu sosiál ne’ebé hanorin husi Koordenador Ensinu Formasaun Komandante Joni Viana iha auditória Instituto Defeza Nasionál (IDN) Pateo Díli.
Matéria projetu Sosiál atu introduz kona bá Poluisaun tasi nian no ninia impaktu ba Biodiversidade tasi nian iha Timor-Leste, Avaliasaun ba fonte, luan no konsekuénsia sira husi Poluisaun tasi nian ba Biodiversidade tasi nian iha Timor-Leste.
Estudu ida-ne’e ninia objetivu mak atu investiga fonte no magnitude oin-oin husi poluisaun tasi nian, hodi ko’alia liu kona-ba ninia impaktu direitu ba Timor-Leste, no impaktu indiretu ba biodiversidade tasi nian. Hodi analiza tipu poluisaun, sira-nia distribuisaun no konsekuénsia ekolojika, peskiza ne’e sei kontribui ba estratéjia konservasaun ne’ebé efetivu. #MediaIDN
|
|
