Díli, 1 Abril 2025 – Alunus Kursu Estadu Maior konjunto Integradu ba dala 4, hamutuk na’in 14, mai husi Polísia Nasionál Timor Leste ho Postu Superintendente Assistente ho Superintendente na’in 5.
No na’in 9 mai husi FALINTIL Forsa Defeza Timor Leste (F-FDTL) ho postu Majór na’in 6 husi Komponente Terestre, no Kapitaun Tenente na’in 3 husi Komponente Naval, hahu aprendizajen kona-ba matéria Metodolojia Investigasaun Sentífika ho tema Identidade Maubere, ne’ebé hanorin husi dosente Profesor doutor José Antonio Lourenço da Costa iha auditorio IDN pateo Díli.
Tuir orariu ne’ebé husi diresaun ensinu formasaun IDN, iha ambitu aktividade akademia ba matéria Metodolojia Investigasaun Sentífika durante fulan ida , ho Tema sobre Identidade Maubere , sai hanesan kestaun importante ba alunus Kursu Estadu Maior Konjunto Integradu ba dala 4. Ho intensaun lori alunus sira kompriende sobre metodolojia sentífika, nune’e bele eksplora ba identidade nasional .
Metodu Investigasaun ne’e, uza abordagem kuantitativa no kualitativa, inklui entrevista, kuestionáriu, hodi análize dadus sekundáriu hodi kompreende konaba Identidade Maubere iha konteúdu militar no polísial no edukasaun akademika.
rezultadu preliminár husi tema Identidade Maubere, fó impaktu boot ba formasaun profisional alunus sira , hodi fó énfase ba espíritu patriotismu, solidariedade nasional, no responsabilidade ba soberania nasaun. hatudu liu husi, persepsaun ba Identidade Maubere bazeia ba esperiénsia individuál no edukasaun sira-ni’an. #MédiaIDN
|
|
