Díli- 12 Marsu 2025, Alunus sira husi Kursu Estadu Maior Konjunta Integradu ba dala 4 , hetan avaliasaun kona-ba matéria Direitu Administrativu iha loron kinta-feira, ne’ebé hanorin husi dosente, Professor Doutor Avelino Coelho, durante semana rua, hahu loron 2 to’o 12 Juñu 2025, iha auditóriu Institutu Defeza Nasionál (IDN), Pateo, Dili.
Avaliasaun ida ne’e mak parte importante ba preparasaun akademika alunus sira, atu kompriende no aplika prinsipiu sira iha Direitu Administrativu, ne’ebé importante tebes ba dezenvolvimentu kapasidade lideransa no toma desizaun iha nivel estadu maior konjunta.
Objetivu ezame ne’e, maka atu fó kompreensaun profundu ba alunus sira kona-ba prinsipiu Direitu Administrativu, nune’e bele aumenta kapasidade analítika sira iha asesu no kontrolu legal iha prosesu administrativu.
Alunus sira aprende kona-ba relasaun legal entre Estadu no sidadan, ho base ba Prinsípiu Jerál Direitu Administrativu, Estrutura Organizativu Administrasaun Públika, no Efeitu Legal sira, Meius Rekursu Administrativu no Jurdisionál, ho Transparénsia no Responsabilidade Administrativu.
Hafoin ezame remata, alunus sira kontinua diskute asuntu sira seluk ne’ebé relevante, hanesan kestaun fronteira entre Timor-Leste no Indonézia.
Rezultadu esperadu husi prosesu ida ne’e, maka atu fó alunus sira kompreensaun no kapasidade atu aplika direitu administrativu iha situasaun konkrétu, aumenta lideransa iha toma desizaun iha nivel públiku, no promove kultura responsabilizasaun no transparénsia iha servisu públiku.#MédiaIDN
|
|
