Díli – Institutu Defeza Nasionál ba loron 6 Fevereiru tinan 2025, kontinua hala’o sosializasaun sobre programa sira ne’ebé sei realiza iha tinan akademia 2025 to’o 2026. Ba instituisaun Polísia Nasional Timor Leste (PNTL) ho FALINTIL Forsa Defeza Timor Leste (F-FDTL), iha Auditorio IDN, Palacio Governo Dili.
Objetivu aktividade sosializasaun ne’e, hodi instituisaun Seguransa no Defeza ne’e iha intendementu hodi haruka sira nia ofisial sira ho postu Superintendente Assistente no Superintendente husi PNTL, no Majór to’o Tenente Coronel husi FALINTIL Forsa Defeza Timor Leste, ne’ebé durante ne’e seidauk hetan oportunidade formasaun, mai partisipa Kursu Estadu maior Konjunto Integradu iha IDN. Ho kursu sira ne’ebé IDN sei realiza iha tinan akademia 2025 nia laran.
Ba jornalista sira Vice Xefi Estadu Maior Jenerál FALINTIL Forsa Defeza Timor Leste F-FDTL Majór Jenerál Calisto dos Santos “ Coliati” hateten, aktividades sosializasun ne’ebé Instituto Defeza Nasionál, realiza ba instituisaun PNTL ho F-FDTL hodi aprezenta programa kontinuasaun 4° kursu Estadu-Maior konjunto Integradu ba tinan akademia 2025 ho 2026, ho aktividade kursu seluk mós.
Tanba Rekursus mak sai fator ne’ebé ita enfrenta durante tempu naruk, iha Forsas Armadas em komparasaun ho Polisia Nasionál tamba forsas armadas rasik iha nia propriu doutrina katak, Militar sei la iha oportunidade ne’ebe luan hanesan Polísia, atu bele halo formasaun akademikas iha liur.
Sira nia formasaun akademika ne’e, tenke tuir prosesu doutrina Militar, nune’e, Militar sira ne’e liu husi Komando, sei halo selesaun ba ofisiais sira, ne’ebe kompetente ho background estudu akademika sira, bainhira sira nia formasaun hotu, sira fila ba kumpri, hala’o sira nia misaun ba area ida ne’ebe sira aprende.
Tamba ne’e, mak la iha Oportunidade ba sira atu bele kontribui mai iha Institutu Defeza Nasional, maibe apartir 2025 ba oin, depois halao tiha reformas ida ne’e, komando rasik se halo ajustamento, ho informasaun sira ne’ebe ohin komando hetan iha sosializasaun ne’e, ami sei halo planu, reintegra fila fali mai iha Instituto de Defeza Nasionál, nune’e oportunidade ba ofisiais sira ne’ebe konsege hetan rezultadu melhores iha formasaun Instituto da Defeza Nasional, hahu husi 2013 mai to’o agora.
Tanba Tuir Vice CEMFA, Instituto Defesa Nasionál , sai hanesan laboratoriu nasionál, ho nia objetivu prinsipal, prepara lideres husi ofisial Militar no Polísial ho mós ba lideres politiku. aliende areas teknika ne’ebe sira aprende, seluk ne’ebe fundamental mós iha espiritu ba karakter nasional iha prosesu formasaun ba sidadania, prepara ita nia ema sira, ho konsensia karakter nasional Timor-Leste ninian.
Portantu atu sai lider, ka sai komandante ida ne’ebe diak , tenke liu husi formasaun iha Instituto Defeza Nasional, para prepara la’os deit atu sai akademiku, maibe atu sai lider nasional ne’ebe diak. Tanba ita akompana evolusaun mundo ohin loron dinamiku tebes, tamba ne’e, Institutu Defeza Nasionál tenke akompana evolusaun mundo, espera katak, ita nia Governo rasik ho instituisoins relevantes iha area edukasaun ensinu superior, bele fo rekuñesimentu ba IDN, nune’e ba tinan 2025, IDN bele hetan transforma ona ba Instituto Universitariu Defeza Nasionál.
Tempu hanesan Diretór Interinu Institutu Defeza Nasionál Dr.Guilherme Soares hatutan, total antigus alunos ne’ebé partisipa ona iha formasaun iha IDN hamutuk 1400 husu kursu hotu mak IDN organiza husi 2013 to iha 2024, iha 200 e tal pessoas mai busi ofisial sira husi Forsas Armadas ho mós oficial husi PNTL, Mai husi primeiru to’o sesto Kursu Promosaun oficial superior (CPOS) no primeiru to’o terseiru Kursu Estadu Maior konjunto integradu. Inklui Kursu pos gradusaun estudu resilensia Nasionál, no primeiru Kursu estudu dor mar.
Ba aktividade sosializasaun ohin, Institutu defeza Nasionál sosializa programa kursu sira sei realiza iha tinan akademia 2025 to’o 2026 , hahu ho 4° Edisaun ba kursu Estado -Maior konjunto Integradu, ba nivel superior sira ho postu Superintendente Assistente, no Superintendente ba PNTL no mós ho postu Majór to’o Tenente Coronel ba F-FDTL.
Kontinua mós formasaun Mestrado iha estudos do Mar psrseria ho univrrsidade nasional no estrangeiro sira ho mós kursu Kapitaun Portuaria atual lao hela, no tuir planu sei termina iha fulan marsu tinan ne’e. kontinuasaun Kursu Mestradu iha Seguransa Dezenvolvimentu Nasionál no Sustentavel, ne’ebe formasaun hahu tiha ona iha tinan 2023, oras ne’e partisipantes sira hakat ba faze hakerek sira nia Monografia, nune’e sira sei liu prosesu akademia ezame monografia sei kontinua iha fin fulan Fevereiru.
IDN sei kontinua mós kursu ba formasaun karakter, sei halo parseira ho komisaun funsaun publika, (INAP), FDTL ho IDN.
Oras ne’e dadaun IDN sei iha prosesu ba tranformasaun ba Instituto Universitariu Defeza Nasionál tamba ne’e diploma partisipantes sira seidauk bele hetan legalizasaun husi Ministériu Ensinu Superior, prosesu tratamento lao hela, no to’o ona Ministériu Defeza espera, tinan ne’e ou tinan oin bele iha resultadu.
Tanba Preparasaun ba akreditasaun, IDN forma ona ekipa instaladora, hala’o ona enkontru dala hira ho parte ekipa tekniku Ministériu Ensinu Superior, agora prezisa deit ajusta, inserir klauzula lei ensino superior nian parte juridico husi IDN, MD no MESCC tan komponente ida ensinu universitariu ba militar ho polisial tamba durante ne’e, ita iha diploma ida ne’e sidauk iha sodeit kona ba ensino superior jerál.
Ho ne’e, diploma ne’ebe IDN atribui ne’e Ministériu Ensinu Superior seidauk rekuiñese maibe sira ne’ebé hetan formasaun ne’e, IDN halo parseria ho Instituto Universitariu Lisboa, Instituto Universitariu Catolica do Porto, parseria mós ho universidade sira ne’ebe mak iha rai laran, tan ne’e, kuandu IDN transforma ona ba Institutu Universitariu Defeza Nasionál automatikamente sira nia diploma sira mós bele hetan legalide husi Ministériu Ensinu Superior mós nee ba parte academica nian tamba nee ita halo parseria ho universidade sira hodi halo acreditasaun ba diploma.
Nune’e mós reprezentante husi PNTL Superintendente Xefi Arquemino Ramos salienta, durante ne’e ofisial PNTL barak maka remata ona sira nia formasaun iha IDN, no liu husi programa sosializasaun ohin, ita sei prepara hela lista, para aprezenta ba Comandante Gerál depois mak, hatutan lista partisipantes sira mai IDN, hodi partisipa iha, 4° Kursu Estadu- Maior Konjunto Integradu.
Partisipa iha aktividade sosializasun ne’e mai husi Vice-Xefi Estadu Maior Jenerál FALINTIL Forsa Defeza Timor Leste F-FDTL Majór Jenerál Calisto dos Santos “ Coliati”, Reprezenta husi Instituisaun PNTL Superintendente Xefi Arquemino Ramos, ofisial sira husi PNTL ho F-FDTL, inklui dosente no orientadores sira. #MediaIDN
|
|
