Díli, 2 Marsu 2025, Diretór Interinu Institutu Defeza Nasionál (IDN), Dr. Guilherme Soares, ho funsionáriu sira, hetan sosializasaun kona ba aplikasaun bankaria husi Banku Mandiri Timor- Leste, iha auditoriu IDN, Palásiu Governu Díli.
Aktividade Sosializasaun ne’e, banku mandiri fó informasaun kona ba produtu no servisu husi Banku Mandiri, inklui fasilidade ba utilizasaun konta bankaria no transasaun ekonómika. Ho objetivu, atu aumenta koñesimentu funsionáriu IDN kona ba produtu sira husi Banku Mandiri ba modernu, ne’ebé fasilita utilizasaun konta bankaria no transasaun ekonómika.
Hafoin sosializasaun, Banku Mandiri fó oportunidade ba funsionáriu sira ne’ebé seidauk iha akses ba “Automated Teller Machine” (ATM) ka Mákina Kaixa Automátika, hodi halo levamentu osan no uza servisu banku ne’ebé mak aseita iha Timor-Leste.
Aleinde mós, Banku Mandiri apresenta prontidaun atu fornese Mobile Banking, ne’ebé bele uza telefone móvel hodi halo operasaun bankaria. Ho intesaun ,haree balansu osan iha konta bankaria, Halo transferénsia osan ba ema seluk.
Selu faturasaun eletrisidade, telefone, ho seluk tan, Hetan informasaun kona-ba transasaun. Mobile Banking bele uza aplikasaun banku ka mensajen SMS, depende banku ne’ebé ita uza.
Atividade hanesan parte husi esforsu atu melhora literasia finanseiru no aseita inovasaun teknológika iha sistema bankaria iha Timor-Leste. #MediaIDN
|
|
