Díli- Funsionáriu ho kargu xefia sira husi Institutu Defeza Nasional , ba loron daruak, iha parte dader loron 26 fulan Novembru tinan 2024, kontinua hetan matéria formasaun kona ba Komunikasun iha servisu fatin, husi formador Sr. Belarmino Filomeno Neves, hanesan profesional seníor jestaun rekursu umanus seitor publiku, husi Komisaun Funsaun Públika iha auditorio IDN pateo Díli.
Tanba fundamentu husi materia, Komunikasaun mak prosesu ida, hodi transmite mensajen ka informasaun husi ema ka entidade ida ba ema seluk, hanesan esforsu atu haruka mensajen husi ema ne’ebé haruka, ba ema ne’ebé simu mensajen.
Hanesan mós iha organizasaun sira iha ita-nia servisu-fatin, sempre presiza komunika ba malu hodi aselera prosesu tomak, ita-nia atividade servisu nian hanesan define ona iha planu asaun ka planu operasionál iha kada instituisaun governu nian,
Tanba ne’e, nu’udar empregadór ka empregadóra administrasaun publika, ita tenke komprende iha koñesimentu kle’an no abilidade komunikasaun iha servisu fatin. Tanba atu hala’o knaar ho responsabilidade sira prestasaun servisu ba públiku.
Nune’e bele mantein Relasaun no Komunikasaun iha Servisu relasaun entre superior ho nia funsionáriu sira, kontribuisaun ba ambiente servisu ne’ebé di’ak, disponibilidade atu serve públiku no nia orientasaun atu responde ba nesesidade funsionáriu sira-nian.
Ho fundamentu promove servisu ekipa no jestaun diversidade. Tan ne’e, ema ne’ebé ko’alia ho didi’ak mós hatene oinsá atu rona no komprende didi’ak ema seluk. #MediaIDN.
|
|
