Díli, 10 Setembru 2025 – Institutu Defeza Nasionál (IDN), reprezentadu husi Diretóra Servisu Akademia, Sra. Eunice Noronha, partisipa iha formasaun kona ba Jestaun Dezastre no Asisténsia Umanitária, ne’ebé organiza husi Autoridade Proteksaun Sivil Timor-Leste (APC), servisu hamutuk ho Forsa Estados Unidos Amerika, liu husi Embaixada EUA iha Timor-Leste.
Formasaun ne’ebé hala’o iha Palm Springs Hotel Marconi, iha Díli, durante loron tolu, fókus ba lideransa institusaun sira no autoridade relevante sira, atu hasa’e kapasidade no koñesementu kona ba preparasaun, resposta no rekuperasaun husi dezastre. Hetan kontribuisaun husi orador sira espésialista, mai husi Estados Unidos, Austrália no Centro Parceria ASEAN (CPA) iha Timor-Leste, ne’ebé partilha prátika di’ak husi perspetiva internasionál.
Tema iha formasaun ne’e maka prátika jestaun dezastre, preparasaun resposta, mobilizasaun rekursus, no asisténsia ba vitima sira. Orador sira mós haktuir kona ba senáriu prátiku no hala’o ezérsisiu meza bazeia ba dezenvolve kapasitade lideransa sira.
Objetivu boot husi formasaun ne’e, atu,Fó koñesementu ba lideransa sira kona ba jestaun dezastre no resposta humanitáriu. Troka ideia no experiénsia kona ba medida efikás atu enfrenta dezenvolvimentu dezastre. Reforsa kooperasaun internasionál, lalehan ho Forsa Estados Unidos Amerika, Autoridade Proteksaun Sivil Timor-Leste no institusaun relasionadu sira.
Formasaun ida ne’e mostra kompromisu ba reforsu kapasidade nasionál atu responde efikaziamente ba dezenvolvimentu dezastre no fó asisténsia humanitária ba ema afetadu sira iha Timor-Leste.
Partisipante sira iha formasaun mai husi Komandante Operasionál Nasionál APC, Nuno Roumaldo Gomes, Reprezentante F-FDTLho PNTL, IDN , Asosiasaun Defisiénsia Timor-Leste, No lider institusaun relevante sira seluk. #MédiaIDN
|
|
