Díli, 2 Juñu 2025 – Funsionáriu sira ho kargu xefia nian, hamutuk ho Alunu sira husi Kursu Estadu Maior Konjunta Integradu iha Instituto Defeza Nasionál (IDN), partisipa iha serimónia hasa’e bandeira nasionál iha Palásiu Governu, Díli, iha semana primeiru fulan Juñu tinan 2025.
Iha serimónia nian, hetan inspetora serimónia husi Sekretária Estadu ba Igualidade Sua Exelénsia . Elvina Sousa Carvalho, fundamentu ba Serimónia hasa’e bandeira nasionál mak parte importante tebes, iha prosesu fó konsiénsia ba identidade nasionál. Funsionáriu públiku sira, hanesan reprezenta Estadu, presiza hatudu respeitu, orgulho no lealdade ba rai-laran no bandeira nasionál.
Funsionáriu públiku sira iha obligasaun moral no institusionál atu sustenta no promove valor-pátria. Partisipasaun iha serimónia hasa’e bandeira mak forma simbolika atu hatudu sira-nia kompromisu ba Estadu no soberania nasionál.
Jeralmente, iha regulamentu, sirkulár ka dekretu governamentál ne’ebé orienta funsionáriu públiku sira atu partisipa iha ativadade nasionál sira, inklui serimónia hasa’e bandeira.
Serimónia ne’e, fó kontribuisaun importante ba konsientizasaun sivika no edukasaun patriótiku. Funsionáriu públiku sira tenke sai ezemplu ba komunidade. Partisipasaun regular iha serimónia hasa’e bandeira nasional, hodi bele ajuda fó unidade no solidariedade entre funsionáriu públiku sira husi ministériu no institusaun sira ne’ebé diferente. #MediaIDN
|
|
