Díli- 7 de Abril de 2025, Funsionáriu ho kargu xefia sira husi Instituto Defeza Nasionál ba semana primeira iha fulan Abril, tinan 2025, partisipa iha serimónia hasé bandeira nasionál ne’ebé realiza iha Palásiu Governu, Díli.
Iha atividade serimónia hasaé bandeira nasionál ne’e, hetan inspetor serimónia husi Sua Exelénsia Vice Ministru Asuntu Parlamentar Adérito Hugo da Costa, hodi hato’o informasaun kona ba implementasaun orsamentu, ne’ebé hasoru tinan ida nian, no rejista pontos balun iha ezekusaun orsamentu. Hodi kontinua servisu ho esfórsu, eleva dezempenñu sira tuir mai.
Eis membrus deputadu ne’e hatutan, oportunidade ida ne’e ha’u tenke partilha sobre dezempeñu ne’ebé hala’o perante governu da sia nia servisu ba Primeira trimestre tinan ida ne’e, marka istória bo’ot ida, ne’ebé la daun maximu , maibe rejista atensaun seriu governu nian, ba hare kestaun administrasaun Estadu ninian ho funsionalismu estadu ninian.
Tanba ita hotu hatene, tinan ida ne’e mós, governu selebra tinan 23 hanesan estadu soberanu, administrasaun públiku estadu ninian, husu ita ba faktus dezempeñu tinan 23, atu kontinua servisu, ho esforsu liu tan, nune’e tinan 23 mai, ita bele ultrapasa espasu sira importante hanesan estadu soberanu.
Eis diretór Jornal Timor Post ne’e mós salenta, aproveita oportunidade, hato’o governu nia apresiasaun ba Komisaun komisaun Funsaun publika, ho nia komisariu sira hotu, ne’ebé ajuda iha kontestu administrasaun públika, perante tinan 23, hodi buka solusaun, estandarizasaun no valorizasaun ba dezempeñu iha administrasun públika ba iha setor hotu.
Nune’e mós, asiste iha progresu balun, maske la dauk maximu, maibe neneik ba bebeik pasu posetivu sei ita atinji, hatudu husi governu ida ne’e, ba kestaun estandarizasaun iha administrasun públika , funsionalismu publika, para sira ne’ebé dedika nian iha administrasun publika estadu ida ne’e , hatene ho didiak dezempeñu , responsabilidade ho kareira profesionalimu ne’ebé sira iha, to’o nivel reforma.
Tanba Lei ba reforma obrigatoriu governu aprova ona, Parlamentu Nasionál iha oras 72 liu ba aprova no autoriza, agora hein ba promulgasaun . ne’e susesu parte ita ultrapasa faze ida kuaze desorganizasaun total iha administasaun publika, funsionamentu publiku nian hodi kontinua hadia ,maske seidauk maximu maibe iha ona sinal , katak ita hotu hakarak hadia.
Mekanismu estandarizasaun ba rejime sira iha, instituisaun seguransa foin semana kotuk iha asiste hamutuk, antes ne’e mós halo ba Instituisaun Defeza , kuandu ita konta tinan 23 , hanesan estadu soberanu, ita konta mós dezempenñu tinan 23, governu dasia kontinua konta ho entidade hotu, instituisaun estadu sira ne’ebé hari no reforsa baze sentral administrasaun.
Iha semana kotuk, ita hotu asiste no hare rasik, ho divulgasaun husi auditória preleminaria ne’ebé hatudu indikasaun katak, ita presiza tau atensaun seriu ba kestaun administrasun públiku estadu nian, hafoin tinan 23.
Pratika simples estandarizasaun funsionamentu administrasaun públika nian, ne’ebé dala ruma ita laiha konsistente atu halo implementasaun, mesmu Sistema estabelese hela. Nune’e, sujere ba Diretór Jerál sira tenke halo esforsu makas, hodi hare Sistema ne’ebé estabelesidu, tenke implementa. Sira ne’ebé seidauk buka atu estabelese no presiza obedese ba regras estandarizasaun funsionamentu públiku.
Iha Serimonia hasae bandeira Nasionál fulan ne’e, hetan partisipasaun husi Sua Exelénsia Primeiru Ministru Kay Rala Xanana Gusmão, Vice Primeiru Ministru, Ministru Koordenador Assuntu Sosial, Ministru Dezenvolvimentu Rurál no Habitasaun Komunitáriu Sua Exelénsia Mariano Assanami Sabino, no Sekretariu Estadu Komunikasaun Sosial Sua Exelénsia Expedito Dias Ximenes. #MediaIDN
|
|
