Díli, 6 Outubru 2025 –Funsionáriu Instituto Defeza Nasionál (IDN), hamutuk ho alunu sira husi Kursu Estadu Maior Konjunta Integradu ba dala 4, partisipa iha serimónia hasa’e Bandeira Nasionál Segunda-feira iha resintu Palásiu Governu, iha semana dahuluk fulan Outubru.
Serimónia ne’e, preside husi inspektor Serimonia husi Sua Exelénsia Vice-Ministru Asuntu Parlamentar, Aderito Hugo da Costa, hodi hahu ho minutu silénsio hodi fó ondra ba asu’ain sira ne’ebé ohin loron la hamutuk iha ho ita.
Iha diskursu, Vice-Ministru hatete katak serimónia hasae bandeira Nasional iha fulan Outubru ho sentidu importante , tanba mak hetan iha momentu ultimu trimestre tinan 2025, ne’ebé mak fase final ba ezekusaun planu no orsamentu estadu.
Nia dehan, Avaliasaun ba dezenpéniu governu, hosi nivel nasional to’o munisípiu sira, iha primeiru, segundu no agora trimestre final, sei determina kapasidade ita atu hetan rezultadu ne’ebé ita hakarak to’o tinan 2026.
Nia konta tan, iha fulan Outubru mak sei markante tanba iha loron 26, Timor-Leste sei relembradu nia komprímisu ba ASEAN, ne’ebé komesa hosi tinan 2011, kuandu estadu submete pedidu formais atu hetan membru kompletu iha organizasaun rejiaun sudeste asiátiku ne’e.
Submisaun ba ASEAN , tuir nia, la deit ho dokumentu, maibé komprímisu ne’ebé tenke akompaña ho preparasaun iha setor hotu-hotu. Governu, parlamentu, no sosiedade sivil kompriende responsabilade ida ne’e.
Governu Timor-Leste, liuhosi parlamentu, ratifika no aprova komprímisu ba setor sira hotu, inklui, Estabilidade polítika, Seguransa, Dezenvolvimentu base ekonomiku , Servisu sosiál no kultura.
Nia apela ba funsionáriu sira atu kontínua fó kontribuisaun liuhosi disiplina no responsabilidade, hodi sustenta preparasaun nain ba ASEAN no dezenvolvimentu nasaun.
|
|
