Díli-Instituto Defeza Nasionál (IDN) ho instituisaun Estadu sira iha Mahon husi Gabinete Primeiru Ministru, ba semana dahuluk iha loron tolu, fulan Juñu, Tinan 2024, partisipa iha serimónia Içar Bandeira Nasionál ne’ebe realiza iha resintu Palásiu Governu Díli.
Iha aktividades serimónia içar Bandeira Nasionál ne’e, hetan partisipasaun husi Diretór Interinu Institutu Defeza Nasionál Dr. Guilherme Soares, Diretor Geral Dr. Paulino Viegas ho Kargu xefia sira, Funsionários sira hotu, inklui participantes 3° Cursu Estadu Maior Konjunta Integradu CEMCI.
Serimónia içar Bandeira Nasionál ne’ebé prezide husi Sekretáriu Estadu Igualidade Jéneru no Inclusaun (SEII), Sua Exelência Sra.Elvina de Sousa Carvalho, hodi tatoli hela mensajen ba funsionáriu públiku ho ajente administrativu sira, atu servi Nasaun ho Estadu iha instituisaun Estadu sira, ita bo’ot sira servi ba, tenke ho responsabilidade hodi garantia Profisionál. No mantein nafatin ambiente amigavel iha servisu fatin sira. #MediaIDN
