Díli- Diretór Interinu Institutu Defeza Nasional Dr Guilherme Soares, akomapaña husi Assessor Pedagojia Sientifiku, Almirante Professor Doutor António Silva Ribeiro, Asesor Juridiku Ministériu Defeza Dr. Antonio Alves, Diretor Investigacao e Inovacao, Dr. Nuno Corvelo, Diretor Ensino e Formacao CTen Duarte Borges Loe, Diretor Aprovisionamento, Dr. Fermando Sousa, Diretora Servicos Academicos, Dra. Eunice Noronha, Diretora Financas, Dra Domingas Gomes, Asessor Pezquisa no inovacao Dr. Nakfilak no Dr. Ivo Goncalves inclui Kargu xefi, funsionáriu ho família sira, iha loron 6 Setembru , Tinan 2024 , selebra aniversáriu ezisténsia IDN hanesan institusaun Estadu ba dala 14, ne’ebé monu iha loron 30 Agusto tinan 2024 liu ba.
Aktividades hirak ne’ebé priense iha serimónia loron criacao IDN, hanesan IDN husu Misa Agradesimentu iha Igreja Balide , hafoin misa , komitiva IDN lori aifunan ho lilin ba karik no sunu iha Kruz bo’ot Santa Kruz hodi fó omenajen ba heróis sira kontribui ba Nasaun Timor Leste nia independensia, hodi kontinua ba loron 7 Setembru tinan 2024, sei taka ho aktividades reflesaun ne’ebé sei dirije husi Sua Exelénsia Ministru Defeza Profesor Doutor Contra-Almirante Donaciano Costa Gomes “Pedro Klamar Fuik ” iha auditário IDN Palásiu Governu Díli.
Diretór interinu IDN Dr Guilherme Soares ba jornalista hateten, aktividades ohin iha âmbito aniversariu IDN ba dala 14, no selebra aniversariu mós ba loron 25 konsulta popular Timor leste. Iha âmbito ida ne’e, aktividades IDN organiza husu misa agradesimentu ne’ebé dirije husi Amu Vigario Cesar Magno, husu haraik bensa nafatin ba IDN no mos ba ema sira nebee haknar an iha instituisaun hodi bele hetan grasa maromak nian iha halao sira nia misaun, agradese mos ba ema sira ne’ebé kontribui ba dezenvolvimentu IDN, hahu tinan 2010 to’o nia operasionalizasaun iha tinan 2012 to’o mai ohin loron.
Ne’ebé ho komitmentu kontinua firme dezenvolve nia misaun iha dezenvolvimentu Rekursu umanus ba forsa armadas no forsa servisu Seguransas, sosidade sivil, sosidade akademia iha área defeza no segurança. No dala ida tan parabéns ba IDN no parabéns mós ba ita hotu, #MediaIDN
|
|
