Díli- Partisipantes Kursu Kapitaun Portua ba loron 30 fulan Janeiru tinan 2025, kontinua matéria Literasia Dijitál ne’ebé hanorin husi Dr. Guilherme Soares, hanesan Diretór Interinu Instituto Defeza Nasionál.
Iha aulas ba matéria Literasia Dijitál ohin, iha auditário IDN Palásiu Governu, dosente Diretór Interinu IDN ne’ebé ho nia esperensia iha área Teknolojia Informasaun kuaze tinan 20 ona, lori partisipantes sira, oinsa bele kria plataforma dijitál, Kursu Kapitaun Portu.
Fundamentu husi kriasaun plataforma dijitál ho naran Kursu kapitaun portu, ho intensaun hodi fasilita partisipantes sira bele assegura matéria sira hotu ne’ebé hanorin husi dosente sira, perante kursu Kapitaun portu lao iha Instituto Defeza Nasionál.
Nune’e mós partisipantes sira bele rai mós, matéria sira partisipantes karik hetan husi oportunidade formasaun sira iha rai liur no rai laran, inklui dokumentus privadu sira, ho seguru. No bele asesu liu husi Telefone no Laptop ho komputador.
Maske nune’e, dezafiu ne’ebé oras ne’e dadaun ita hotu, enfrenta maka rede internet lao la dun di’ak, maibe pelumenus futuru ho polítika governu dada ona linha fiber optika, bele ajuda fasilita ona ita nia sistema internet lao ho lalais, hodi fasilita ita nia servisu.#MediaIDN
|
|
