Díli- Partisipantes primeiru Kursu Kapitaun portu hamutuk nain 23, ba semana dahuluk iha loron 6 fulan Janeiru tinan 2025, kontinua aulas ho matéria Direito Tasi nian, ne’ebé hanorin husi dosente Professor doutor Vasco Becker Weinberg iha auditorio Institutu Defeza Nasional Pateo Díli.
Tuir orariu husi Diresaun ensinu formasaun IDN, aulas ho matéria Direitu Tasi nian, ho nia subtema, Ramu direitu internasionál nian, iha tempu dame no funu nian, ne’ebé hetan Relasaun ho Direitu Tasi nian.
Kontinua ho tema Evolusaun Istória, ho subtema, Evolusaun Istória, Impériu, Tratadu Tordesillas, domíniu koloniál ultramarinu iha direitu tasi nia laran, direitu autodeterminasaun no prinsípiu soberania permanente ba rekursu naturál sira , sei lao durante semana ida, hanorin husi dosente Professor doutor Vasco Becker Weinberg husi Portugal, ne’ebé sai mos hanesan assessor ba Gabinete Fronteira Marítima iha Nuno Governu .
Diretór ensinu formasaun IDN, Kapitaun Tenente Duarte Borges Loe iha nia lia fuan badak hateten, dosente ne’e, iha esperensia barak iha área tasi nian, no husu partisipante sira bele aproveita didiak oportunidade murak wain ne’e, hodi aumenta ita bo’ot sira nia abilidade, maske aulas hasoru malu durante semana ida. #MediaIDN
|
|
