Díli, 7 Jullu 2025 – Alunu Kursu Estadu Maior Konjunta Integradu (CEMCI) ba dala 4, hetan matéira kona-ba Komunikasaun Relasaun Públika iha Segunda-feira, ne’ebé hanorin husi Dr. Virgílio da Silva Guterres, Provedor ba Direitus Umanus no Justisa. Aulá ne’e, realiza iha auditóriu Instituto Defeza Nasionál Palásiu Governu, Díli.
Matéria ida ne’e fó oportunidade ba alunu sira atu kompriende fundamentu teóliku no prátiku kona-ba komunikasaun estratéjika iha relasaun públika, ne’ebé importante tebes iha kontestu lideransa militar no seguransa nasionál. Através matéria ida ne’e, alunu sira aprende tan kona-ba manejamentu imajen institusionál, dezenvolvimentu mensajen públiku, no komunikasaun efikaz ho populasaun, média no instituisaun relevante seluk.
Objetivu prinsipál mak atu hadia kapasidade komunikasaun profesionál alunu sira, atu bele fó kontribuisaun efikaz iha promosaun transparénsia, konfiansa públika, no kooperasaun entre forsa seguransa ho komunidade. Kursu ne’e mós kontribui atu preparadu líder sira, atu hatene no uza komunikasaun hanesan ferramenta estratéjika ba dezenvolvimentu nasionál no estabilizasaun kontinua iha Timor-Leste. #MédiaIDN
|
|
