Díli, 7 Jullu 2025 — Iha kontinuidade ba programa formasaun iha Institutu Defeza Nasional , alunu sira husi Kursu Estadu Maior Konjunta Integradu ba dala 4, kontinua simu matéria kona-ba lideransa, ne’ebé hanorin husi dosente Koronel Reformadu Sampaio Silva, iha auditóriu IDN, Palásiu Governu, Dili.
Iha aprezentasaun nian, Koronel Sampaio Silva fó enfáze katak lideransa la’ós kbiit atu fó orden deit, maibé iha duni kapasidade atu influénsia servisu ba grupu. Hanoin ne’e, reflete definisaun sira ne’ebé hamosu husi estudu akademiku sira.
Koronel Silva hateten, “Lideransa la’ós kbiit atu fó mandamentu, maibé fó-an ba servisu.” Hanesan definisaun husi Stogdill (1974) ne’ebé dehan katak, lideransa maka inflasaun interpersonal iha kontestu ne’ebé involve komunikasaun umanu hodi hetan objetivu konkreto.
Hersey no Blanchard mós fó kontribuisaun, hodi loke hanoin katak, lideransa depende ba relasaun entre lider, subordinadu sira, no situasaun espesífiku ida. Tanba ne’e, iha definisaun barak ba lideransa, depende ba konteksu no abordagem sientífiku.
Tuir Koronel Sampaio Silva, lideransa iha elementu fundamentál sira hanesan, influénsia ema ka grupu.Komunikasaun efetivu. Relasaun entre lider no soldadu sira. Hierarkia no estrutur. Objetivu ne’ebé presiza hetan iha situasaun ida.
Lideransa iha dimensaun podér no autoridá. Rego (1997) dehan katak podér mak abilidade atu influénsia ema seluk. Podér bele mai husi karater pessoal, autoridáde formal, kontrola rekursu, informasaun, no esperiénsia.
Lideransa militar maka forma lideransa ne’ebé iha impaktu boot tebes ba motivasaun ekipa nian. Nia envolve prosesu influénsia interpersonal ne’ebé estabelese ligasaun afetiva entre lider no soldadu sira, hodi fasilita implementasaun objetivu organizasaun militar nian. Ne’e esensiál liu iha mundu ne’ebé muda to’o agora, no iha dezafiu kompleksu sira.
Aprezentasaun mós fó klaridade kona-ba diferensa entre jestaun no lideransa, iha Jestaun orientasaun ba tarenu, tempu badak, kontrola operasaun, no efisiénsia. Lideransa orientasaun ba mudansa, fleksibilidade, vizaun tempu naruk, foti inovasaun, no motiva ekipa.
Konkluzaun , Formasaun kona-ba lideransa mak aspetu importánte ba ofisiais militár sira, liuliu iha tempu mudansa no dezenvolvimentu. Aulas hanorin husi Koronel Reformadu Sampaio Silva fó kontribuisaun valiozu ba preparasaun lider sira iha nivel estratejiku ba F-FDTL no PNTL. #MédiaIDN
|
|
